Биыл Ұлытау ауданында 10 жаңа аллея мен гүлзар салынады

Ұлытау ауданы белсенді абаттандыру жұмыстарының арқасында жыл өткен сайын жайлы бола түсуде. Биыл мұнда 10 жаңа аллея мен гүлщар пайда болады. Олардың ерекшелігі ұлттық нақышпен және тарихи ескерткіштерді орнатумен тығыз байланысты.

Ұлытау ауылының қақ ортасында Ұлар гүлзары салынды. Оны салу кезінде кіші және аға ұрпақтардың қажеттіліктері ескерілді. Балалар алаңы, ыңғайлы орындықтар, урналар орнатылды. Алаңның басты бағыты ұлар құсының мүсіндік композициясы болды. Бұл өте сирек кездесетін және осы жерлерде мекендейтін құс. Бұл мүсіннің жақын маңында болашақ ұрпақ үшін білім көзінің символын білдіретін ашық кітап ореатылған. Сондай-ақ, субұрқақ салынып жатыр, ол кешке түрлі-түсті шамдармен жарқырайды.

Ұлытау ауданының бірегей көрікті жерлері бүкіл Қазақстаннан және алыс шетелден мыңдаған қонақтарды тартады. Аудан аумағында палеолит және неолит дәуірлеріне жататын 6о-дан астам ескерткіштер бар.

Ұлытаудың әлемге әйгілі ескерткіштерінің бірі - петроглифтер.

- Сондықтан алаңдарда тастарда суреттер өте көп. Тұрғындар мен туристер ауданның тарихи байлығын көруі тиіс, - дейді Ұлытау ауылының әкімі Талғат Әбжаппаров.

Ауданда ұлттық батырлар туралы да естеліктер бар. Бұған Ұлытау ауылындағы мемориалдық тақта дәлел. Мұнда 1928 жылдан 1938 жылға дейінгі саяси қуғын-сүргін құрбандарының тізімі берілген. Сонымен қатар онда 1986 жылғы Желтоқсан оқиғасына қатысқандардың есімдері бар. Барлығы тақтада 400 есім келтірілген.

"Алаш" партиясы қайраткерлерінің құрметіне аллея ашылды. Тәуелсіздік үшін күресушілердің бюсттері бар.

- "Алаш" партиясының кейбір басшылары - біздің ауданнан шыққан тұлғалар. Олар: Сембек Жанайдаров, оның орынбасары Ален Жылқайдаров, Ахмет Баржақсынов. Біздің аудан тумалары арасында қуғын-сүргінге түскендер де бар. Тақтада олардың есімдері келтірілген. Бұл ақпарат тіпті кейбір жерлестерімізге белгісіз болған. Жас ұрпақ өз батырларын білуі тиіс, - дейді Ұлытау ауданының әкімі Берік Әбдіғалиұлы.

Ұлытау ауылында осы ауданның тумасы Қаныш Нұртазиновқа ескерткіш орнатылды. Ержүрек аңшы қызметтік міндеттерін орындау кезінде ерлікпен қаза тапты. Қайтыс болғаннан кейін ол бірінші дәрежелі "Айбын" орденімен марапатталды. Ескерткіш қазір оның есімімен аталатын көшеде орналасқан. Болашақта мұнда абаттандыру жұмыстары жүргізіледі. Жергілікті билік оның құрметіне спорттық жарыстар өткізуге уәде береді. Ұлытау ауданын абаттандыру негізінен "Жұмыспен қамтудың жол картасы" бағдарламасы аясында жүзеге асырылуда.