Қарағанды гарнизонында әскери-техникалық мектеп қызметкерлерінің жиыны өтті

Қарағанды гарнизонында Кеңес Одағының Батыры Мартбек Мамраев атындағы филиал базасында жиын өтті. Әскери-техникалық мектеп директорларының орынбасарлары үшін теориялық және тәжірибелік сабақтар ұйымдастырылды.

Жиынға қатысушылар Спасск оқу-жаттығу полигонында болды. Мұнда олар атыс дайындығын ұйымдастырумен танысып, АК-74-тен ату дағдыларын көрсетті. Қарағанды филиалының автодромында басқа мектептерде баламасы жоқ техника ұсынылды.

Жиын қорытындысы бойынша директордың оқу ісі жөніндегі орынбасарлары нормативтер мен құжаттарды білуіне сынақ тапсырды.