Осакаров ауданының Есіл ауылында тез тамақтану кафесі пайда болды

Тез тамақтанудың алғашқы нүктесі Осакаров ауданының Есіл ауылында пайда болды. Кәсіпкер Александр Пята мен оның әйелі Фатима House Food №5 кафесін ашты.

- Біз Есілде дүниеге келгеннен бері тұрып жатырмыз, осында өстік және де, әрине, оның тұрғындары үшін бір нәрсе жасағымыз келеді, - дейді Александр. - Фаст-фуд кафесін ашу идеясын әйелім Фатима екеуміз көптен бері ойластырдық, енді қазір бізде осындай мүмкіндік пайда болды.

House Food № 5 атауының пайда болуында да бір себеп бар. Есіл бұрын №5 ауыл болған, мұнда қуғын-сүргінге ұшырағандар тұрған. Александр мен Фатима фаст-фуд нүктесінің атауында тарихи дерек қалдыру туралы шешім қабылдаған.

Бизнесті дамытуға шамамен 4 миллион теңге жұмсалды. Қазір кәсіпорында тек отбасы мүшелері жұмыс істейді.

House Food - бұл ең алдымен үйде дайындалған тағам, бірақ фаст-фудты ұнататындарға Пята отбасы тұшпара, ірімшік таяқшалары, картоп кесектері, фри картобы, тауық еті, қанаттар және басқаларын ұсынады.

Ауылда шағын фаст-фуд кафесі сұранысқа ие. Қазір House Food № 5 тапсырысты жеткізу арқылы жұмыс істейді.

Ауыл тұрғындары кафедегі жаңалықтар мен акциялар туралы Instagram-нан біледі.

- Бұрын біз бургерлер, донерлер, нагетстер және басқаларын сатып алу үшін аудан орталығына баратынбыз, ал қазір Instagram-ға кіріп, қажет нәрсенің бәріне тапсырыс береміз, - дейді Вероника Захарова.

Болашақта Пята отбасы өз бизнесін кеңейтуді жоспарлап отыр.