Сәтбаевтағы жас ана және кәсіпкер Business Lady Qazaqstan байқауының жеңімпазы атанды

Сәтбаев қаласында тұратын жас ана және кәсіпкер Динара Ширекбаева Business Lady Qazaqstan беделді байқауының жеңімпазы атанды. Ол жыл сайын Нұр-Сұлтан қаласы әкімдігінің қолдауымен «Рухани жаңғыру» бағдарламалық мақаласын және «Еңбек - ел мұраты» арнайы жобасын іске асыру аясында өткізіледі.

Байқауға кәсіпкер әйелдер қатысады. Биылғы сайыста Қазақстанның әр өңірінен, соның ішінде Көкшетау, Сәтбаев, Арыс, Алматы, Қостанай және Нұр-Сұлтан қалаларынан келген он әйел бақ сынасты. Business Lady Qazaqstan Гран-приін Сәтпаев қаласында тұратын жас ана Динара Ширекбаева жеңіп алды.

Business Lady Qazaqstan жүлделерінің бірі – пандемиядан кейін әлемнің көптеген елдерінен бизнес-байқаулардың жеңімпаздары жиналатын Францияға жолдама. Шеберлік сабақтарынан бөлек байқауға қатысушылар тәжірибе алмасып, іскерлік байланыс орната алады.

Динара Ширекбаева той іс-шараларында, қалыңдықты шығарып салуда қазақ дәстүрлерін дәріптеумен айналысатын Event-Group агенттігін басқарады. Пандемияға байланысты жеңімпаз компания жұмыс істей алмайды, бірақ әйел қиын уақыттың аяқталуын күтіп, қол қусырып отырған жоқ.

- Жаңа жобаны ынтамен дайындап жатырмын - ірімшік жасаушы болуды армандаймын. Табиғи өнімдер негізінде бәсекеге қабілетті өндіріс жасағымыз келеді, - дейді Динара Ширекбаева. - «Атамекен» ӨКП мамандарының көмегімен бизнес-жоспар құрдым. Менің жобам қолдау табатынына сенімдімін.