Қарағандылықтар мен қала қонақтарын облыстық ауыл шаруашылығы жәрмеңкелеріне шақырады

Жыл соңына дейін Қарағанды қаласында сегіз «Ауыл береке» атты облыстық ауыл шаруашылығы жәрмеңкесі  өтеді. Сауда-саттық шаралары 8, 15, 22 және 29 қарашада, сондай-ақ 6, 13, 20 және 27 желтоқсанда ұйымдастырылмақ.

Жәрмеңке сөрелерінен тұрғындар жергілікті өндірушілердің ауыл шаруашылығы өнімдерін, ет пен сүт тағамдарын және басқа да тауарларды нарықтағы орташа құннан төмен бағамен сатып ала алады.

Іс-шараның өтетін орны – «Global City» сауда-ойын-сауық орталығы (134-есептік квартал, 921-ғимарат).

Сауда таңғы сағат 09:00-де басталады.

Келушілер жәрмеңкеге №5, 19, 31, 40, 56, 63, 66, 70, 146, 02 және 29 бағытындағы автобустар мен маршруттық таксилер арқылы жете алады.