Теміртауда тегін шешендік өнер мектебі ашылды

Теміртау мәдениет сарайында қала тарихында алғашқы "Ақсұңқар" шешендік өнер мектебі ашылды. Курстар жастарды қазақ тілінде әдемі және еркін сөйлеуге оқыту үшін құрылған.

- Адам құндылықтарының бірі - өзіне деген сенімділік, - деп түсіндіреді мектептің ашылуында Мәдениет сарайының әдіскері Ардабек Октябрь. - Біздің мақсатымыз - оны ояту, адамды қорқыныштан арылту. Біз шешендік өнерді игерген адамдар кез-келген салада өзін көрсете алады деп санаймыз. Олар көпшілік алдында сөйлеуге қорықпайтын болады.

Мектепте сабақтар тегін өткізіледі. Курстарға орта және жоғары мектеп оқушылары, сонымен қатар студенттер жазыла алады. Жас ауқымы - 13-тен 25 жасқа дейін.
Жазылу Теміртау мәдениет сарайында жүргізіледі.