Қарағанды облысының әкімі карантин режимін бұзу деректерін қатаң қадағалауды талап етті

Қарағанды облысының әкімі Жеңіс Қасымбек карантин кезіндегі үйлену тойлары мен жаппай мерекелерге қатысты пікір білдірді.

- Көктемнен бастап түрлі бұқаралық іс-шараларға тыйым салынған Дегенмен, кейбір залдар үйлену тойларын, мерейтойларды және басқа да жаппай іс-шараларды тыйымдарға қарамастан жалғастыруда. Тәртіп бұзушыларға үлкен айыппұл салынады. Бірақ бұл оларға кедергі болмай тұрған сыңайлы. Жақында жүзден астам адам қатысқан үйлену тойы өткені туралы мәлімет тіркелді. Кеше әлеуметтік желілерде 200-ден астам жас жиналған түнгі клубтың жұмысы туралы ақпарат жарияланды, - деді Жеңіс Қасымбек онлайн режиміндегі аппараттық кеңесте.

Облыс әкімі полиция мен жергілікті әкімдіктер тарапынан бақылау әлсіз деп санайды.

- Блогер аталмыш түнгі клуб карантин жарияланғаннан бері жұмысын тоқтатқан емес дейді. Менің құқық қорғау органдарына, әкімдікке қоятын сұрағым: бұған қалай жол берілген? Бұл орындар белгілі болса да, олар жабылмайды. Мұны немқұрайлылық деп санауға болады, - деді Жеңіс Қасымбек.

Ол әр жағдайды шешуді және күн сайын ереже бұзушылармен жұмыс туралы есеп беруді талап етті.

Облыс әкімі тұрғындарды шыдамдылық танытып, көпшілік жиналатын жерлерден аулақ болуға шақырды.

- Мерекелер, үйлену тойлары, мерейтойлар күте тұрады: туыстарыңыз бен жақындарыңыздың өмірі мен денсаулығы маңызды, - деп атап өтті Жеңіс Қасымбек.