#AulaFit жобасы: Осакаров ауданының жас футболшылары өздерінің сүйікті ойыншыларымен бірге спортпен шұғылданады

Осакаров ауданында белгілі қайраткер Серік Сәпиев бастаған #AulaFit жобасы іске асырылуда. Бұл идеяны жергілікті кәсіпкерлер қолдады. Ауыл жастары спортқа жұмылдырылуда. Жас футболшыларға кәсіби спортшылар шеберліктерін арттыруға көмектеседі. Барлық сабақтар тегін.

Футбол легионерлері мен "Фристайл футбол федерациясы" қоғамдық ұйымының мүшелері Осакаров тұрғындары үшін ашық жаттығулар өткізді. Шеберлік сабақтарын футбол фристайлері Ернұр Аманбаев, Нигерия футбол федерациясының мүшесі Самуэль Обинна және басқалар жүргізді.

Спорттық кездесулерге жасөспірімдер мен балалар жиналады. Футболға ұлдар да, қыздар да қызығушылық танытады.

Легионерлер ойын түрінде балалармен шеберліктерінің құпияларымен бөліседі. Балалар сүйікті футболшыларымен әңгімелесіп, ойнағандарына өте қуанышты болды, оларды бұған дейін тек теледидардан матчтар көрсеткен кезде ғана көре алатын. Бұл балалардың армандарын орындау ғана емес, сонымен қатар спортпен шұғылдануға ынталандыру болып табылады.

Осакаровкада бұқаралық спортпен айналысу үшін инфрақұрылым дамуда. Workout-аймағы мен ойын кешендері бар спорт алаңдары ашылуда.

 

Осакаров ауданы әкімдігінің баспасөз қызметінің ақпараты бойынша