Қарағанды облысынан «Алтын сапа» және «Қазақстанның үздік тауары» байқауларына 60 өтінім берілді

Қарағандылық компаниялар «Алтын сапа» және «Қазақстанның үздік тауары» байқауларына белсенді қатыса бастады. Биыл өңірден 60 өтінім түсті: 17 – президенттік сыйлыққа және 43 – үздік тауар өндіруші атағына.

"Шағын, орта және ірі бизнес өкілдері өндірісті, қызмет көрсету саласын, халыққа арналған тауарлар мен азық-түлік өнімдерін қоса алғанда, барлық негізгі номинациялар бойынша өтінім берді. Өңір компаниялары жоғары белсенділік көрсетті: өтінімдер Қарағанды, Теміртау, Саран, Балқаш, Шахтинск қалаларынан, сондай-ақ облыстың ауылдық аудандарынан келіп түсті", – деп атап өтті Қарағанды облысының кәсіпкерлер палатасында.

ӨКП директоры Ернар Күлпейісов бұл байқауларға қатысу – жаңа деңгейге шығып, беделін нығайту және тәуелсіз бағалаудан өту мүмкіндігі екенін атап өтті.

Өңірлік байқау-көрмеде облыстан республикалық кезеңге шығатын финалистер анықталады.