Ән және йога: осы демалыс күндері Қарағандының Орталық саябағында қандай шаралар өтеді

Бүгін, жұма күні кешке Қарағандының Орталық мәдениет және демалыс саябағында «Жасыл ел» XXI еңбек маусымының ашылуы атап өтіледі. Жастар үшін танымал әртістер Мирас Жүгінісов, Әділ, Sanzhar және Altair & Abbi дуэті өнер көрсетеді. Концерт сағат 18:00 басталады. Кіру тегін.

Ал демалыс күндері, 21-22 маусымда саябаққа Виктор Цой мен Юрий Шатуновтың жанкүйерлерін шақырады. Сондай-ақ, Халықаралық йога күні атап өтіледі.

21 маусым күні сағат 18:00 - басты саябақ сахнасында Виктор Цойды еске алу концерті өтеді. Қарағандылық «Грузовик», «Фрактал», «Ниагара» және «11-ый этаж» рок-топтары өнер көрсетеді. Олар «Кино» тобының хиттерін орындайды.

22 маусым

09:00 - Қазақстандағы Үндістан елшілігі, Қазақстан йога академиясы өкілдерінің қатысуымен Халықаралық йога күніне арналған мереке ұйымдастырады. Барлық ниет білдірушілер йога-хаттамаға қатыса алады - бұл 30 асана, тыныс алу және демалу тәжірибесі. Футболкалар мен басқа да сыйлықтар ойнатылады.

18:00 - саябақтың басты сахнасында Юрий Шатуновты еске алу концерті өтеді. Қарағандылық «Ветер Перемен» кавер-тобы «Ласковый май» хиттерін орындап, өнер көрсетеді.