760greenkm экомарафонының қатысушылары Қарағандыға келеді

760greenkm көпкүндік экомарафонының қатысушылары 24 қыркүйекте Қарағандыға келеді. Олар тиісті қашықтықты жүгіріп өтіп қана қоймай, облыс орталығында ағаштар отырғызады.

Экомарафонды ұйымдастырушылар - әуесқой спортшылар Дмитрий Ким, Ғалым Чуашев және Айдын Сәдібеков. Олардың идеясы бір айдан аз уақыт ішінде Қазақстанның 18 қаласын аралауды көздейді. Әр қалада олар 24 шақырым жүгіріп өтіп, сондай-ақ ағаш отырғызулары қажет.

- Біздің негізгі міндетіміз - табиғатты сақтау, Спорт пен салауатты өмір салтын насихаттау арқылы адамдардың қоршаған ортаға деген көзқарасын өзгерту. Біз Қазақстан бойынша жалпы 760 шақырым жүгіруді жоспарлап отырмыз - күн сайын 18 қалада 18 күнде 42 шақырым жүгіруді жоспарлап отырмыз, марафонда болашақ ұрпаққа өзіміздің жасыл ізімізді қалдыру үшін 760 ағаш отырғызамыз, - дейді Дмитрий Ким.

Белсенділер көшеттерді демеушілік қаражат есебінен сатып алды.

Ерекше марафон 20 қыркүйекте Талдықорғанда басталды. Оның қатысушылары Өскеменде, Семей және Павлодарда болды. Қарағанды - олардың жолындағы бесінші қала.

Бұдан әрі тізім бойынша Нұр-Сұлтан, Көкшетау, Петропавл, Қостанай, Ақтөбе, Орал және еліміздің басқа да қалалары бар. Жастар Алматыда 7 қазанда мәреге жетеді.

Марафоншыларды онлайн режимде Instagram - @760greenkm парақшасында қадағалауға болады.