Шахтинск қаласында полицияға көмек көрсеткен еріктілер марапатталды

Шахтинск полиция бөлімінде 17 қыркүйекте тәртіп сақшыларына көмектесетін еріктілер марапатталды. Еріктілерге грамоталар мен гүлдер табыс етілді.

Еріктілер Оксана Голоднева мен Карина Майтанова мұқтаж жандарға бірнеше жыл бойы көмек көрсетіп келеді. Полициямен олар бұрыннан серіктескен. Тәртіп сақшыларымен бірге қыздар тұрмысы нашар отбасыларына рейдтерге шығып, хабар-ошарсыз кеткендерді іздестіреді.

- Мен үшін осы қызметім 2004 жылы басталды, сол кезде балалар үйлеріне барып, тәрбиеленушілермен тілдесіп, оларға көмектесе бастадым. Содан кейін мен басқа еріктілермен таныстым. Балалар үйінде ертеңгіліктер мен мерекелерді бірге ұйымдастыруға көмектесеміз. Мен сондай-ақ Rina.kz еріктілер бірлестігіндемін, онда жоғалған адамдарды іздеуге көмектесемін", - дейді Оксана.

Сондай-ақ, бойжеткен дисфункционалды отбасыларға арналған рейдтер кезінде балалармен әңгімелеседі, тамақ, киім және дос қажет пе, жоқ па, соны анықтайды. Содан кейін басқа еріктілермен бірге қажетті заттарды жинап, балаларға алып келеді.

Полицейлер қамқор қыздарға азаматтық ұстанымы мен көмегі үшін алғыс айтып, оларға грамоталар мен гүл шоқтарын табыстады.