ВЕДОМСТВОАРАЛЫҚ КОМИССИЯ ОТЫРЫСЫ ӨТКІЗІЛДІ

Ағымдағы жылдың 30 маусымында Қарағанды облысының әкімі
Е.Бөлекпаевтың төрағалығымен Ведомствоаралық комиссияның кезекті отырысы өтті.
Отырыс барысында Қарағанды, Приозерск және Теміртау қалалары әкімдерінің сыбайлас жемқорлықтың алдын алу бағытында атқарған жұмыстарының нәтижелері қаралып, қабылданып жатқан сыбайлас жемқорлыққа қарсы іс-шаралардың тиімділігі талқыланды.
Сонымен қатар, «Сарыарқа» ӘКК» АҚ мен «Сарыарқа» арнайы экономикалық аймағының комплаенс қызметтері сыбайлас жемқорлық тәуекелдерінің алдын алу, қызметтің ашықтығын қамтамасыз ету бағытында жүргізіліп жатқан жұмыстар туралы ақпарат берді.
Сондай-ақ, мемлекеттік органдар қызметіндегі сыбайлас жемқорлықтың алдын алу жүйесін жетілдіруге және сыбайлас жемқорлық тәуекелдерін төмендетуге бағытталған №4 «Сыбайлас жемқорлықтың алдын алу және оған қарсы іс-қимыл» үлгілік базалық бағытын іске асыру мәселелеріне ерекше назар аударылды.
Отырыс қорытындысы бойынша мемлекеттік органдар мен квазимемлекеттік сектор ұйымдарына сыбайлас жемқорлық тәуекелдерін одан әрі төмендетуге, профилактикалық жұмыстың тиімділігін арттыруға, сондай-ақ ашықтық пен парасаттылық қағидаттарын нығайтуға бағытталған бірқатар тапсырмалар берілді.