Порталда тұрғын үйге мұқтаждарды есепке қоюға өтінім беруге болады https://orken.otbasybank.kz/
Мемлекеттен кім тегін баспана ала алады? ҚР «Тұрғын үй қатынастары туралы» Заңына сәйкес мемлекет мынадай қолдау шараларын ұсынады:
1) кейіннен сатып алу мүмкіндігімен жалға берілетін тұрғын үй беру;
2) тұрғын үй үшін жалдау төлемдерін субсидиялау;
3) жеңілдетілген ипотекалық тұрғын үй қарыздарын беру;
4) тұрғын үй сертификаттарын беру.
Тегін тұрғын үй қарастырылмаған.
Соңғы 5 жылда отбасы мүшелерінде баспана болғанын қарай ма? Ия, өйткені тұрғын үйдің болмауы туралы талап отбасы мүшелеріне де қатысты. Тұрақты бірге тұратын жұбайы (зайыбы), бірлескен немесе ерлі-зайыптылардың бірінің балалары (оның ішінде асырап алынған, асырауындағы немесе қамқорлығындағы) отбасы мүшелері деп танылады.
Коммуналдық қызметтердің байланыс номерлері
Жұмысты қалай алуға болады (мансап орталықтары туралы, жәрдемақыны қалай алуға болады)
Егер мен қандай да бір санатқа жатпасам, есепке тұра аламын ба? Кезекке қою үшін келесі критерийлерге сай болу керек:
* Соңғы 5 жыл ішінде ҚР аумағында тұрғын үйдің болмауы;
* Егер жалғыз тұрғын үй ҚР заңнамасында көзделген тәртіппен апатты деп танылса;
* Астана, Алматы, Шымкент қалалары үшін соңғы 3 жыл ішінде осы қалалардың аумағында қосымша тіркелу қажет.
Осылайша, қандай да бір санатқа жатпайтын азаматтар жоғарыда көрсетілген критерийлерге сәйкес келген жағдайда есепке тұра алады.