Теміртау қаласының әкімдігінде семинар
2024 жылғы 19 желтоқсанда Қарағанды облысы әкімі аппаратының Әдеп жөніндегі уәкілі Қ.Бекімова Теміртау қаласының мемлекеттік органдарының басшыларымен әдеп нормаларын сақтау және сыбайлас жемқорлыққа қарсы мәдениетті қалыптастыру тақырыбында ақпараттық-түсіндіру жұмыстарын жүргізді. Мемлекеттік қызметшілерге еңбек, атқарушылық тәртіпті, сыбайлас жемқорлыққа қарсы саясатты, қызметтік әдеп стандарттарын сақтау бойынша түсініктемелер берілді. Сондай-ақ діни мәселелер бойынша түсіндірулерге, қосымша табыс алу үшін ойын мекемелеріне баруға тыйым салуға және ҚР-да ойынға тәуелділікпен күресті күшейтуге, киімдегі іскерлік стильді қолдауға, қызметтік автокөлікті тек мақсаты бойынша пайдалануға және т. б. сұрақтарға ерекше назар аударылды. Мемлекеттік қызмет, сыбайлас жемқорлыққа қарсы іс-қимыл саласындағы заңнаманы және Әдеп кодексін бұзудың алдын алу және болдырмау мақсатында әртүрлі жағдайларда, әсіресе мереке қарсаңында мемлекеттік қызметшілердің мінез-құлқы бойынша ұсынымдар берілді.
