2022 жылғы 30 қарашада Кәмелетке толмағандардың істері және олардың құқықтарын қорғау жөніндегі облыстық комиссияның және Әйелдер істері және отбасылық-демографиялық саясат жөніндегі комиссияның бірлескен отырысы өтті
2022 жылғы 30 қарашада облыстық әкімдік ғимаратында кәмелетке толмағандардың істері және олардың құқықтарын қорғау жөніндегі облыстық комиссиялардың (бұдан әрі -КТІжҚҚЖК) және Әйелдер істері және отбасылық-демографиялық саясат жөніндегі комиссияның (бұдан әрі -ӘІжОДСЖК) отырысы өтті.
Селекторлық режимде отырысқа облыстың қалалары мен аудандарының КТІжҚҚЖК және ӘІжОДСЖК төрағалары, хатшылары мен мүшелері қатысты. Қатысушылардың барлығында «Зорлық-зомбылыққа жол жоқ!» акциясына қатысуын бейнелейтін қызғылт сары ленталар мен шарфтар болды.
Әйелдер мен ерлердің репродуктивті денсаулығын сақтау, ыстық тамақты ұйымдастыру және балаларды қауіпсіз тасымалдау, салауатты өмір салтын қалыптастыру және ерекше қажеттіліктері бар балаларды тәрбиелеп отырған отбасылардың проблемалық мәселелері қаралды.
Комиссия мүшелері қоғамда өз денсаулығына жауапкершілікпен қарауды қалыптастыру қажеттілігі, ерте жүктілік проблемалары бойынша халықтың хабардар болу деңгейін арттыру, жасөспірімдерде салауатты өмір салты дағдыларын дамыту, отбасын саналы түрде жоспарлау жөніндегі жұмыстарды жүргізудің маңыздылығы туралы айтты.
Отбасын құруды дұрыс саналы түрде жоспарлау әйелдің денсаулығына, түсіксіз жүктіліктің қауіпсіз болуына және соның нәтижесінде дені сау балалар, ұрыс-керіссіз, зорлық-зомбылықсыз бақытты отбасына тікелей байланысты.
Облыстық комиссия мүшесі Е.А. Букетов атындағы Қарағанды университетінің саясаттану және әлеуметтану кафедрасының, аға оқытушысы, әлеуметтану магистрі Резвушкина Т.А. ерлердің репродуктивті денсаулығы мәселесін көтерді: «Ерлер бедеулігі 1372 науқаста, әйелдер бедеулігі 16187 науқаста тіркелді. «Бедеулік» диагнозы қойылған науқастар санындағы бұл айырмашылық ерлердің әйелдерге қарағанда несеп-жыныс жүйесінің ауруларын диагностикалау үшін дәрігерлерге сирек баратынын көрсетеді, және бұл, ең алдымен, баланың туылуына ерлердің емес, әйелдердің репродуктивті жүйесі ғана жауапты деген гендерлік стереотипке байланысты. Қазақстандық ер адамдар репродуктивті денсаулықты анықтау үшін міндетті скринингтен өтпейді және бұл баласыз жұптардың жалпы санына әсер етеді".
«Зорлық-зомбылыққа жол жоқ!» акциясы қалай өтуде және облыстағы тұрмыстық зорлық-зомбылық бойынша жағдай қандай екенін жергілікті полиция қызметі бөлімінің әйелдерді зорлық-зомбылықтан қорғау тобының аға инспекторы, полиция подполковнигі Сәтпаева-Алпысбаева Г.Р. айтты.
Жергілікті полиция қызметі басқармасының ювеналды полиция тобының аға инспекторы, полиция майоры Омарова А.Б. балалар қылмысы мен балаларға қатысты қылмыстардың жай-күйі туралы хабарлады.
Облыс әкімінің орынбасары Е.Ш. Әліқұлов азаматтық сектордың, бизнес өкілдерінің өз бастамаларымен қоғамның назарын ауыртпалық мәселелеріне аударуға тырысатын белсенділігін атап өтті. Ол ҮЕҰ өкілдеріне (Абрамова Т.А., Панасиди О.Ю., Қожахмет Л.Т., Жданова И.В., Терликбаева Д.Ш.), сондай-ақ Іскер әйелдер кеңесіне (Жәңгірова Г.А., Шиллер М.В.) алғысын білдірді.
Облыс қалалары мен аудандары әкімдерінің орынбасарларына қысқы кезеңде оқушыларды тасымалдау, ыстық тамақты ұйымдастыру бойынша тапсырмалар берілді. "Бұл біздің басты міндеттеріміз. Балалардың қауіпсіздігі мен денсаулығы осы міндеттерді шешуге байланысты. Мемлекеттік құрылымдардың, ҮЕҰ, ата-аналар қоғамы мен бизнестің күш-жігерін біріктіре отырып, барлық мәселелерді шешуге болады", - деп қорытындылады Е. Әліқұлов.
