Қарағанды облысының жобалық кеңсесі туралы Ереже

1 тарау. Жалпы ережелер

1. Ұлттық жобаларды іске асыру мониторингі бойынша Қарағанды облысының жобалық кеңсесі туралы осы ереже (бұдан әрі – ереже) Қарағанды облысы жобалық кеңсесінің (бұдан әрі – кеңсе) мақсаттары мен міндеттерін, функционалдық қызметін және ұйымдық құрылымын айқындайды.
2. Кеңсе ұлттық және өзге де жобаларды әзірлеу, іске асырудың жедел мониторингін қамтамасыз ету мақсатында құрылады.
3. Кеңсе өз қызметін Қазақстан Республикасының заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
4. Кеңсе жобалық басқаруға және ұлттық жобаларды іске асыруға жауапты мемлекеттік органдар мен ұйымдардың өзге құрылымдық бөлімшелерін тарта отырып, Қарағанды облысы әкімі аппаратының базасында матрицалық құрылым форматында құрылады. Қажет болған жағдайда, Кеңсенің қызметіне Бизнестің, сараптамалық қоғамдастықтардың және азаматтық қоғамның өкілдері қатыса алады.
5. Кеңсенің басшысын облыс әкімі аппаратының басшысы тағайындайды.

 

2 тарау. Кеңсенің міндеттері мен функциялары

6. Кеңсенің міндеттері:

1) жобалық басқаруды мемлекеттік органдар мен ұйымдардың қызметіне бейімдеу және кешенді енгізу;

2) мемлекеттік органдар мен ұйымдардың жобалау қызметін жедел және тиімді өзара іс-қимылды ұйымдастыру, үйлестіру және әдіснамалық сүйемелдеу;

3) мемлекеттік органдар мен ұйымдардың Жобалау офисіне және өзге де мүдделі ұйымдарға ұлттық және өзге де жобаларды іске асыру жөніндегі өзекті ақпаратты ұсынуын қамтамасыз ету;

4) ұлттық және өзге де жобаларды іске асырудың жедел мониторингін қамтамасыз ету болып табылады.

7. Кеңсенің функциялары:

1) мемлекеттік органдар мен ұйымдардың жобалау қызметін үйлестіру және әдіснамалық сүйемелдеу;

2) мақсаттарға, нысаналы индикаторлар мен нәтижелер көрсеткіштеріне қол жеткізуді талдау арқылы ақпараттық жүйеде жобаларды іске асырудың онлайн-мониторингін жүзеге асыру, сондай-ақ есептіліктің бірыңғай жүйесін қалыптастыру;

3) ұлттық жобалар шеңберінде іске асырылатын жобалар мен бастамалар карталарын оларды әзірлеу және өзектілендіру процесінде келісу, сондай-ақ мемлекеттік органдар мен ұйымдарға нысаналы индикаторларды, нәтижелер көрсеткіштерін қайта қарау, ресурстарды бөлу және жоспарланған іс-шаралар бойынша ұсынымдар әзірлеу;

4) материалдарды дайындау, кеңсенің отырыстары мен жедел кеңестерін ұйымдастыру;

5) ішкі және сыртқы ортаның әртүрлі факторларын талдау негізінде жобалардың жекелеген түрлерін (типтерін) іске асыруға қойылатын талаптарды әзірлеу және бекіту;

6) мемлекеттік органдар мен ұйымдардың жобалау персоналының бизнес, сараптама қоғамдастықтары, азаматтық қоғам өкілдерімен өзара іс-қимылын басқару, оның ішінде сараптама алаңдарын ұйымдастыру, тұрақты "ой-талқы" жүргізу және жаңа бастамаларды талқылау;

7) өлшемдерді әзірлеу және мемлекеттік органдар мен ұйымдардың жобалық топтарының кемелдену деңгейіне бағалау жүргізу, сондай-ақ жобалық басқару саласында бенчмаркингтік зерттеулер жүргізу;

8) офис қызметін және мемлекеттік органдар мен ұйымдардың жобалық қызметінің нәтижелерін жария ету;

9) жобалау қызметіне қатысушылар үшін білім базасын және алынған сабақтар журналын қалыптастыру;

10) кеңсенің құзыретіне кіретін мәселелер бойынша іс-шараларда облыс әкімі мен оның орынбасарларының сөз сөйлеуі үшін материалдар дайындау;

11) қажет болған жағдайда Кеңсенің құзыретіне кіретін мәселелер бойынша ғылыми-зерттеу және тәжірибелік-конструкторлық жұмыстарды, сондай-ақ әлеуметтік зерттеулерді жүргізуді ұйымдастыруға қатысу;

12) жобалық басқару саласында Кеңсе, мемлекеттік органдар мен ұйымдар қызметкерлерінің біліктілігін арттыруға бағытталған іс-шараларды әзірлеуге және өткізуге қатысу;

13) мемлекеттік органдар мен ұйымдардың құрылымдық бөлімшелерін тарта отырып, жоспарлы және жедел кеңестер өткізу;

14) кеңсенің құзыретіне кіретін мәселелер бойынша мемлекеттік органдар мен ұйымдардың кеңестеріне қатысу;

15) облыс әкіміне және оның орынбасарларына кеңсенің міндеттері мен функциялары, сондай-ақ қызметін жетілдіру бойынша ұсыныстар енгізу.

8. Кеңсесінің Басшысы:

1) кеңсеге жіберілген қызметкерлерге жобалық рөлдерді бекітеді, олардың құзыретінің деңгейіне қойылатын талаптарды белгілейді, сондай-ақ қажет болған жағдайда мемлекеттік органдар мен ұйымдардың басшыларына себептері негізделе отырып, қызметкерлерді ауыстыру жөнінде ұсыныстар енгізеді;

2) мемлекеттік органдар мен ұйымдар басшыларының атына кеңсеге жіберілген қызметкерлерді көтермелеу немесе жазалау туралы ұсыныстар енгізеді;

3) облыс әкімін жарты жылда кемінде бір рет кеңсенің атқарған жұмысы туралы хабардар етеді.

Кеңсе қызметкерлерінің жұмысы мен өзара іс-қимылы Кеңсе Басшысы бекітетін ұйымдық құрылымға сәйкес жүзеге асырылады.

Дата публикации

14 января 2022