«Шұбаркөл Көмір» АҚ — аймақтың жетекші көмір өндіру кәсіпорындарының бірі.

Компанияның өндірістік негізін «Орталық» және «Батыс» атты екі көмір кеніші құрайды. Көмір өндіру заманауи тау-кен техникасы мен технологияларын қолдана отырып, ашық әдіспен жүзеге асырылады. 2022 жылдың қорытындысы бойынша өндіріс көлемі 12 млн 540 мың тоннаны құрады.

Кәсіпорын өндірісті әртараптандыру және импортты ауыстыруды дамыту жобаларын дәйекті түрде іске асырып келеді. Қазақстанның ферроқорытпа өнеркәсібінде қолданылатын арнайы кокс-тотықсыздандырғыш өндіру зауыты пайдалануға берілді. Гидрометаллургияда, алтын өндіру және фосфат өнеркәсібінде, сондай-ақ су тазарту жүйелерінде қолданылатын сорбент — белсендірілген көмір шығару цехы жұмыс істейді.

Сонымен қатар, Шұбаркөл кен орнының үгілген көмірінен гумин тыңайтқыштарын өндіру қондырғысының тәжірибелік-өнеркәсіптік сынақтары аяқталды, бұл көмір шикізатын өңдеудің қосымша перспективаларын ашып, кәсіпорынның өнім қатарын кеңейтуге мүмкіндік береді.