Қарағанды облысында «Жастар – Жастарға» жобасын іске асыру аясында өңір тұрғындары арасында сыбайлас жемқорлыққа қарсы мәдениетті нығайту бойынша жүйелі жұмыс жүргізілді. Аталған жұмыс адалдық, заңға мойынсұнушылық және азаматтық жауапкершілік құндылықтарын қалыптастыруға бағытталды.
Есепті кезеңде құқық қорғау органдарының, мемлекеттік органдардың өкілдері, заңгерлер мен қоғам қайраткерлерінің қатысуымен ақпараттық-ағартушылық және алдын алу іс-шаралары ұйымдастырылды. Іс-шаралар білім беру ұйымдарында, қоғамдық кеңістіктерде, сондай-ақ Қарағанды облысының қалалары мен аудандарында көшпелі кездесулер форматында өткізілді.
«Тәртіпті өзіңнен баста!» акциялары, Сыбайлас жемқорлыққа қарсы зертхана қызметі және «Ұрпақ таңдауы: жастар сыбайлас жемқорлыққа қарсы» атты Сыбайлас жемқорлыққа қарсы форум аясында өңір тұрғындарына Қазақстан Республикасының сыбайлас жемқорлыққа қарсы заңнамасының нормалары, сыбайлас жемқорлық құқық бұзушылықтары үшін жауапкершілік, сондай-ақ сыбайлас жемқорлық көріністеріне тап болған жағдайда заңды түрде әрекет ету тетіктері түсіндірілді.
Практикалық құрамдас бөлікке ерекше назар аударылды: интерактивті кейс-ойындар мен өмірлік типтік жағдайларды талдау жүргізілді, E-Otinish порталы арқылы өтініш беру алгоритмдері көрсетілді, құқық бұзушылықтар туралы анонимді түрде хабарлау мүмкіндіктері, оның ішінде Telegram-бот пен QR-кодтарды пайдалану жолдары түсіндірілді. Сонымен қатар ақпараттық-таратпа материалдар мен сыбайлас жемқорлыққа қарсы контенттің таралуы қамтамасыз етілді.
Халықты кеңінен қамту мақсатында әлеуметтік желілер мен бұқаралық ақпарат құралдарында белсенді ақпараттық науқан жүзеге асырылды. Ол бейнероликтерді, инфографикаларды, сұхбаттарды, флешмобтарды, сондай-ақ қоғамдық орындар мен кинотеатрларда сыбайлас жемқорлыққа қарсы бейнероликтерді көрсетуді қамтыды.
Өткізілген іс-шаралар өңірдің 2 000-нан астам тұрғынын қамтып, халықтың құқықтық сауаттылық деңгейінің артуына, сыбайлас жемқорлыққа қарсы құндылықтардың нығаюына және қоғамда сыбайлас жемқорлық көріністеріне тұрақты төзбеушіліктің қалыптасуына ықпал етті.