Ветеринария басқармасының ветеринариялық- санитариялық шараларды ұйымдастыру және ТЖ бөлімінде 2021 жылдың жұмыс жоспары бекітілді. Жыл басынан мемлекеттік органдардан басқа да мекемелерден бөлімге 421, әкім блогынан 1, 109 сенім телефоны арқылы 81, жеке және заңды тұлғалардан 33 өтініш келіп түсті. Өтініштер уақытылы қарастырылып заңнама талаптарына сәйкес, түрлі адресаттарға жазбаша түрде жауаптар ұсынылды.
Бөлімнің құзыреті шегінде, мемлекеттік мекемелерге, мәслихаттарға, жеке тұлғаларға, басқа да мекемелер мен ұйымдарға 92 хат жолданды.
Басқарманың «Instagram», «Facebook» әлеуметтік желілерінде және интернет-ресурсында, «Жануарларға жауапкершілікпен қарау туралы» Заң жобасын талқылау кезеңінде дайындалған ұсыныстар орналастырылды. Ветеринариялық заңнаманың нормаларына, қызметтің ағымдағы жағдайына қатысты 4 мақала жарияланды.
Бруцеллезге оң нәтиже берген жануарларды (Абай, Ақтоғай, Жаңаарқа, Қарқаралы, Нұра, Осакаровка, Шет) аудандарынан Жамбыл облысы Байзақ ауданына, санитариялық союға және қайта өңдеуге 356 ІҚМ жеткізіліп тапсырылды. «Жануарлардың саулығы мен адамның денсаулығына қауiп төндiретін, алып қоймай залалсыздандырылған (зарарсыздандырылған) және қайта өңделген жануарлардың, жануарлардан алынатын өнiмдер мен шикiзаттың құнын иелеріне өтеу» 011бағдарламасы аясында мал иелеріне 31 630,5 теңге көлемінде өтемақы төленді.
Жануарлар мен адамдар арасында құтыру аурудың пайда болуның алдын алу және таралу көздеріне тосқауыл қою мақсатында, қаңғыбас иттер мен мысықтарды аулауға бюджеттен 76,4 млн.тг бөлініп, барлығы 17 379 мың бас қаңғыбас жануарлар ауланып, жойылды (16 396 ит және 983 мысық).
Жеке және заңды тұлғалардан келіп түскен жүгінімдер белгіленген мерзімде қарастырылып, уақытылы жауап берілді.