2022 жылғы 31 тамызда сағат 17.00-де Теміртау қаласы әкімі аппаратының басшысы Айдар Кәрімовтың төрағалығымен Президенттік Жастар кадрлық резервіне конкурстық іріктеу кезеңдерінен өту тәртібін түсіндіру бойынша семинар өтті, онда ішкі саясат басқармасының басшысы Айнагүл Жайнағанқызы Абдрахманова арнайы сөз сөйледі. Айнагүл Жайнағанқызы 2019 жылы конкурстық іріктеу қорытындысы бойынша Президенттік жастар кадр резервіне алынған Қарағанды облысынан екі адамның бірі болып табылады.
Айнагүл Абдархманова жас мемлекеттік қызметшілер үшін байқау неше кезеңнен тұрады, қандай құжаттарды дайындау керек және оларды қайда тапсыру керек, қандай сәттерге назар аудару керек, сандық және вербалды тесттер бойынша өз білімдерін тексеру үшін қандай сайттарда байқау сынақтарынан өту керек екенін түсіндірді.
Бұдан бөлек, әдеп жөніндегі уәкіл ретінде Айдар Кәрімов Қазақстан Республикасы Мемлекеттік қызметшілерінің Әдеп кодексін және Қазақстан Республикасының Сыбайлас жемқорлыққа қарсы іс-қимыл туралы Заңының нормаларын сақтау туралы түсіндіру жұмыстарын жүргізді. Сондай-ақ, 2022 жылғы 29 шілдеде Әдеп кеңесінің отырысын өткізу барысында ҚР Мемлекеттік қызмет істері агенттігінің Қарағанды облысы бойынша департаментінің басшысы Ербол Жолданғардың бірқатар тапсырмалары жеткізілді, онда Айдар Кәрімов баяндама жасады.