Қарағанды облысының бас санитар дәрігерінің қаулысына сәйкес 2021 жылғы 2 шілдеден бастап Қарағанды, Теміртау, Шахтинск, Жезқазған, Сатбаев және Балқаш қаласындағы ХҚО-лар азаматтарды қайтадан тек алдын ала брон арқылы қабылдайды. Сондай-ақ ХҚО қызметкерлері клиенттердің мәртебесін Ashyq қосымшасы арқылы тексереді.
Бас санитар дәрігердің 2021 жылғы 24 маусымдағы қаулысы бойынша санитарлық-профилактикалық шараларды күшейту тәртібін сақтай отырып, ХҚО-ларда жұмыс күндері және сенбі күні сағат 9:00-ден 18:00-ге дейін жұмыс кестесі белгіленген.
ХҚО-ға кезекті eGov порталы, 1414 Бірыңғай байланыс орталығы және @kenes1414bot телеграмм-боты арқылы брондауға болады. Барлық клиенттен санитарлық-профилактикалық нормаларды сақтауды, бетперде тағуды және әлеуметтік қашықтықты сақтауды сұраймыз.
Алдағы Астана күніне байланысты мереке күндері Қарағанды қаласының ХҚО-лары келесі тәртіппен жұмыс істейтінін қосымша хабарлаймыз:
3, 5 шілде – жұмыс күндері
4, 6 шілде – демалыс.