"Эко қаһарман" байқауы басталды

Қарағандыда мектеп оқушыларының қоршаған ортаға жауапкершілікпен қарауын қалыптастыруға бағытталған «Эко-қаһарман» экологиялық байқауы басталды. Іс-шараны «Қарағанды облысының табиғи ресурстар және табиғат пайдалануды реттеу басқармасы» ММ ұйымдастырып отыр, ал серіктестері – Қарағанды қаласының «Білім бөлімі» ММ және «ВторСырье Караганда» ЖШС.

Байқаудың басты мақсаты – балалар мен жасөспірімдерді қалдықтарды сұрыптау дағдыларына үйрету және оларды қағаз қалдықтары мен пластикалық бөтелкелерді жинауға тарту. Байқау екі бағытта өтеді: «Қағаз жина – ағашты сақта!» және «Пластикті утилизациялау – планетаға ауа қажет!». Байқауға Қарағанды қаласындағы 1-7 сынып оқушыларынан құралған мектеп командалары қатысуда.

Өтінімдерді қабылдау аяқталды, енді қатысушылар белсенді кезеңге – қағаз қалдықтары мен пластикалық бөтелкелерді жинауға кірісті. Байқау 2024 жылдың 31 қазанына дейін жалғасады, және оқушылар өз номинацияларында көшбасшы атағы үшін жарысады. Сондай-ақ, «Instagram-дағы ең белсенді команда» сияқты қосымша номинациялар да қарастырылған. Жиналған қалдықтардың барлығы қайта өңдеуге беріледі, бұл табиғи ресурстарды сақтауға және аймақтағы экологиялық жағдайды жақсартуға ықпал етеді.

Барлық қатысушыларға сәттілік тілейміз және материалдарды сәтті жинауды тілейміз!

Жеңімпаздар ұйымдастырушылардан дипломдар мен құнды сыйлықтар алады.

Қосымша ақпарат алу үшін телефон: 8 705 875 06 53.