Тақырыбы: Қарағандылықтар Пришахтинск орманында 53 қап қоқыс жинады

Қарағанды облысында Дүниежүзілік тазалық күні аясында экологиялық сенбілік сәтті өтті.

Ұйымдастырушы ретінде Қарағанды облысының табиғи ресурстар және табиғатты пайдалануды реттеу басқармасы шықты. Қарағанды қаласында іс-шара Пришахтинск орманында өтті, онда табиғи ресурстар басқармасының, Экология департаментінің қызметкерлері және белсенді азаматтар жиналып, қоқысты жинап, оны «Бөліп, тапсырып, қайта өңде» жобасы аясында сұрыптады.

Қатысушылардың бірлескен күш-жігерінің арқасында 53 қап қоқыс жиналды, оның ішінде 34-і пластик, 5-і шыны, 3-і қалайы банка, 4-і қағаз және 7 қап басқа қоқыстар қайта өңдеуге жіберілді. Қоқысты қайта өңдеуге шығару «Вторсырье Караганда» ЖШС тарапынан ұйымдастырылды, бұл табиғаттың жағдайын жақсартты!

Ең белсенді қатысушыларға естелік экологиялық сыйлықтар табыс етілді, ал сенбілік аяқталғаннан кейін қатысушыларды біріктірген эко-пикник өтті. Зейнеткерлерге, отбасыларға, қала тұрғындарына, соның ішінде Қарағанды облысының Волонтерлік корпус «Волтек» еріктілеріне, ҚЭУ экология бағдарламасының студенттеріне алғысымызды білдіреміз. Біз облыс тұрғындарын тазалықты сақтауға және көшелеріміз бен саябақтарымызда тәртіпті ұстау – әр адамның күнделікті еңбегі екенін ұмытпауға шақырамыз!