5 жаңа өрт сөндіру станциясы салынды

Жасыл желектерді қорғап, адамдарға қамқорлық жасау қажет.Бұқар-Жырау ауданында орман өртін сөндіру станциясы ашылды.Модульдік депо заманауи техникамен жабдықталған.Әрі Белағаш орманшылығының аумағын табиғи өрттен қорғауға арналған.Бұқар-Жырау ауданының Керней ауылындағы жаңа станцияның жұмысқа дайындығын Қарағанды облысының әкімі Ермағанбет Бөлекпаев тексерді.Өрт сөндірушілер аймақ басшысына жабдықты көрсетіп, бірегей бекеттің жұмысымен таныстырды.Мұндай станцияны құру қажеттілігі болды.Ғимарат небәрі 2 айда салынды.
Ермағанбет Бөлекпаев Қарағанды облысының әкімі:
«Ғимараттың тек диспетчерлік бөлмесі ғана емес, жуынатын орын, асхана, демалыс бөлмесі де жабдықталған. Сооынмен қатар,көліктерге арналған үлкен ангар салынды, – деді Қарағанды орман және жануарлар дүниесін қорғау шаруашылығының директоры Мақсат Мұханов.Жаңа станцияның ашылуы қосымша жұмыс күшін тартуға мүмкіндік берді.Қазір мұнда 58 адам жұмыс істейді.»
Мақсат Мұханов Қарағанды орман және жануарлар дүниесін қорғау шаруашылығының директоры:
«Жаңа техника – КамАЗ базасындағы өрт автоцистернасы.УАЗ-Патриот базасындағы шағын орман патрульдік кешені, соқалары бар екі трактор, екі жеңіл машина сатып алынды. Сондай-ақ, жазғы және қысқы жауынгерлік киімдер сатып алынды. Ең бастысы – өртті сөндіргеннен кейін мамандардың демалатын орны бар.»
Орман қызметкерлерінің жалақысы көтерілді.Ал орман шаруашылығы ардагері Александр Яковлев әріптестеріне қызыға қарайтынын айтады.
Александар Яковлев орман шаруашылығының ардагері:
«Мен орман шаруашылығында 40 жылға жуық жұмыс істедім. 1975 жылы бізде жалғыз ғана "ГАЗ-51" көлігі болды. Алғашқы өрт сөндіру машиналары 90-шы жылдары пайда болды. Әрдайым орман шаруашылығын қаржыландыру қалдық принципі бойынша жүргізілетін. Жалақы аз болды. Бірақ бүгінде көп нәрсе жасалуда. Әріптестерде қазір орманды сақтауға мүмкіндік беретін осындай жабдық бар.»
Биыл облыста бес өрт сөндіру станциясы салынды.Қарағанды, Ақтоғай және Кувск орман шаруашылықтарының материалдық-техникалық базасы нығайтылды.
Бақтияр Санбаев Табиғи ресурстар және табиғатты пайдалануды реттеу басқармасының басшысы:
«42 бірлік техника сатып алынды. Олардың ішінде тракторлар, су таситын көліктер, өрт сөндіру және патрульдік машиналар, ағаш бүріккіштер. Жалпы, қажет нәрсенің бәрі бар. Үш орман шаруашылығында жаңа жұмыс орындары құрылды. Қызметкерлер арнайы киім-кешекпен қамтамасыз етілген. Қазір облыс бойынша тоғыз орман өрт сөндіру станциясы бар. Келесі жылы Шахтинск қаласында орман тәлімбағы бар ЖПҚ салуды жоспарлап отырмыз.»
Өңір басшысы орман шаруашылықтарының материалдық-техникалық базасын нығайту – басты міндет екенін атап өтті.Биылғы жылы өрт көп болды. Орман шаруашылығы қызметкерлерінің жұмысы күрделі және жауапты. Ермағанбет Бөлекпаев өрт сөндірушілерге жұмыстарына табыс тілеп, қашанда қолдау көрсетуге уәде берді.