Шахтинск қаласында экоквест өтті
«Бөл! Тапсыр! Қайта өңде!» жобасы аясында «Қарағанды облысының Табиғи ресурстар және табиғатты пайдалануды реттеу басқармасы» ММ Шахтинск қаласында командалық экологиялық квест-ойынын өткізді. Оған қаланың барлық мектептерінен командалар қатысты.
Мектеп командалары іс-шараға жауапкершілікпен қарады: ерекше команда атау мен ұран ойлап тапты, эмблемалар дайындады, ең бастысы, қоқысты бөлек жинау туралы білімдерін жетілдірді.
Эко-квест 9 станциядан тұрды. Әр команда маршруттық параққа сәйкес тапсырмаларды орындады:
«Тергеуді сараптама жүргізеді»
«Қоқыс жәшігін толтыру»
«Зерттеу»
«Қалдықтарды сұрыптау»
«Қалдықтарды кәдеге жарату»
«Қоқыстың ыдырау уақыты»
«Қайта өңдеу»
«Төтенше жағдай»
«Парақша»
Іс-шараға қатысушылар жемісті нәтижемен аяқтап, ұйымшылдық, тапқырлық пен шығармашылық қабілеттерін көрсетті.
Экоквестке белсенді қатысқаны үшін барлық командалар грамоталар, сондай-ақ Қарағанды облысының табиғи ресурстар және табиғат пайдалануды реттеу басқармасынан естелік сыйлықтар алды.
Іс-шараны жалпы ұйымдастыруды Қарағанды облысы білім басқармасына қарасты Шахтинск қаласының білім бөлімінің қолдауымен Шахтинск қаласының №7 жалпы білім беретін мектебі жүзеге асырды.