Бүгін Республика күніне орай Ақтоғай ауданында қарасты Қаратал ауылында (Қызыларай орманшылығында) тағы бір орман өрт сөндіру станциясы ашылды. Жаңа нысанды пайдалануға беру үшін Қарағанды облысының Табиғи ресурстар және табиғат пайдалануды реттеу басқармасының басшысы Бақтияр Санбаев пен Ақтоғай ауданы әкімінің міндетін атқарушы С. К. Амралин Қаратал ауылына барды. Басқарма басшысы Ақтоғай орман шаруашылығының жеке құрамын облыс басшылығы атынан орман өрт сөндіру стансиясының пайда болуымен құттықтады. Алдағы уақытта орман мекемелеріне арналған нысандар салынып, жаңартылатынын атап өтті. Осы саладағы соңғы оқиғаларға байланысты ҚР Президенті Үкіметке, әкімдіктерге материалдық-техникалық бөлімді жаңартуға, жалақыны арттыруға,жеке құрамды табиғи және техногендік катаклизмдерге неғұрлым дайын болуға ерекше назар аударуды тапсырды.
Ақтоғай орман шаруашылығының орман қоры 74 467 га құрайды. Оның ішінде 48 233 га орманмен жабылған.Ормандарды күзетуді, қорғауды, өсімін молайтуды және орманшылықтардың орман өсімін қамтамасыз ету үшін 104 штаттық бірлік жұмылдырылды. Мұнда 71 адам жұмыс істеді.
Ағымдағы жылы шаруашылықтың техникалық паркі заманауи техникамен жаңартылды, жеке құрам мамандандырылған киім-кешекпен толық қамтамасыз етілді. Орман шаруашылығы қызметшілерінің жалақысы көтерілді.