Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары

Қазақстан Республикасы Мәдениет және спорт министрі

2021 жылғы 27 сәуірдегі

№ 120

бұйрығымен бекітілген

  

Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары 

 

1-тарау. Жалпы ережелер

  1. Осы балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары (бұдан әрі – Қағидалар) «Дене шынықтыру және спорт туралы» 2014 жылғы 3 шілдедегі Қазақстан РеспубликасыЗаңының (бұдан әрі – Заң)
    7-бабының 65-8) тармақшасына сәйкес әзірленді және балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу тәртібін айқындайды.
  2. Осы Қағидаларда келесі ұғымдар пайдаланылады:

1) оператор – облыстың, республикалық маңызы бар қаланың және астананың жергілікті атқарушы органы немесе осы Қағидаларға сәйкес мемлекеттік спорттық тапсырысты орналастыру рәсімін әкімшілендіруді орындауға уәкілетті оның құрылымдық бөлімшесі;

2) өнім беруші – білім беру ұйымдарынан басқа, меншік нысанына, ведомстволық бағыныстылығына, типтері мен түрлеріне қарамастан заңды тұлға немесе жеке кәсіпкер.

 

2-тарау. Мемлекеттік спорттық тапсырысты орналастыру тәртібі 

  1. Мемлекеттік спорттық тапсырысты (бұдан әрі – мемлекеттік тапсырыс) орналастыру мыналарды қамтиды:

1) мемлекеттік тапсырысты орналастыру үшін өнім берушілерді іріктеу;

2) балалар спорттық секцияларына орындарды бөлу тәртібі.

Мемлекеттік тапсырысты орналастыру оператордың тиісті жылға арналған бюджетінде көзделген қаражат көлемінде өнім берушілер арасында жүзеге асырылады.

Оператор мемлекеттік тапсырыстың қаржыландыру жоспарының жобасын күнтізбелік жылдың толық көлемінде жасайды және мемлекеттік тапсырысты орналастыру жоспарланған елді мекеннің аудандары (шағын учаскелері) және спорт түрлері бойынша егжей-тегжейлі көрсете отырып, жыл сайын жоспарланатын жылдың алдындағы жылдың 31 қазанынан кешіктірілмейтін мерзімде оператордың ресми интернет-ресурсында орналастырады.

Оператор бекітілген мемлекеттік тапсырыстың қаржыландыру жоспарын ол бекітілгеннен кейін 5 (бес) жұмыс күнінен кешіктірілмейтін мерзімде оператордың ресми интернет-ресурсында жыл сайын орналастырады.

Мемлекеттік тапсырысты орналастыру үшін оператор балалардың контингентін электрондық түрде жинақтауды жүргізеді. Балалар контингентін жинақтау кезінде оператор осы Қағидалардың 11 және 12-тармақтарында көзделген кезектілікті басшылыққа ала отырып, балалар мен жасөспірімдерге арналған спорт секцияларына орындар бөледі.

Мемлекеттік тапсырысты орналастыру, балалар контингентін жинақтау, сондай-ақ өнім берушінің, оператордың және баланың заңды өкілінің осы процестерге байланысты өзге де ілеспе функционалдық операциялары өнім беруші және баланың заңды өкілі үшін ақысыз жүзеге асырылады.

 

1-параграф. Мемлекеттік тапсырысты орналастыру үшін өнім берушілерді іріктеу

  1. Мемлекеттік тапсырысты орналастыруға қатысу үшін өнім беруші цифрландыру саласындағы уәкілетті органның ақпараттық жүйесінде (бұдан әрі – ақпараттық жүйе) арқылы операторға мынадай құжаттарды қоса бере отырып, осы Қағидаларға 1-қосымшаға сәйкес нысан бойынша өтініш береді:

1) жеке кәсіпкер үшін: жеке кәсіпкер ретінде қызметтің басталғаны туралы хабарламаның нөмірі (НИКАД);

2) спорт секциясының қызметін ұйымдастыруға пайдалану үшін өтініш берушінің меншігіндегі және (немесе) өзге де заңды негіздегі жылжымайтын мүлікке (пайдалану мерзімі өтініш берілген күнге қарай кемінде 1 жыл) құқық белгілейтін құжаттары қоса беріледі;

3) мыналарды қамтитын өнім беруші бекіткен оқу бағдарламасы:

оқу бағдарламасының мақсаттары мен міндеттері;

болжамды спорттық нәтижелер;

оқу дәрежелері бойынша сабақтардың мазмұны;

сабақтарды қамтамасыз ету үшін материалдық-техникалық жарақтандырудың сипаттамасы;

сабақтарды өткізу кестесі;

баланың заңды өкілдері үшін ішкі іс-шараларды, оның ішінде жарыстық (конкурстық), есептік іс-шараларды және ашық сабақтарды өткізудің жоспарланған кестесі;

сабақ өткізу үшін қажетті балалардың жеке мүкәммалы мен киім-кешегі туралы мәліметтер;

өнім беруші бекіткен спорт секциясына бару регламенті;

4) балалармен сабақ өткізу үшін тартылатын қызметкерлердің тізімі.

  1. Балалармен сабақ өткізетін өнім берушінің әрбір қызметкеріне өтінішке мынадай мәліметтерді қамтитын ақпарат қоса беріледі:

1) жеке сәйкестендіру нөмірі, тегі, аты-жөні (бар болған жағдайда);

2) келесі тәсілдердің бірімен кәсіби спорт бейінін растайтын құжаттар:

«Дене шынықтыру және спорт» мамандығы бойынша жоғары, техникалық және кәсіби (арнайы орта, кәсіби орта) білімнің болуы;

бейінді спорт түрі бойынша «Қазақстан Республикасының спорт шебері» атағының (спорттық атақ беру туралы куәлік) болуы;

бейінді спорт түрі бойынша дене шынықтыру және спорт саласында кадрларды даярлаудың немесе қайта даярлаудың сәтті аяқталған курстарының болуы;

3) Қазақстан Республикасы Денсаулық сақтау министрінің
2020 жылғы 15 желтоқсандағы № ҚР ДСМ-269/2020 «Медициналық білімі жоқ, оның ішінде тиісті даярлықтан өткен адамдардың алғашқы көмек көрсету қағидаларын және Алғашқы көмек көрсету стандартын бекіту туралы» (Нормативтік құқықтық актілерді мемлекеттік тіркеу тізілімінде № 21814 болып тіркелген) бұйрығына сәйкес өтініш беру күніне 24 айдан кешіктірмей берілген сертификат;

4) өтініш берген күнге  күнтізбелік 10 (он)  күннен кешіктірмей берілген сотталғандығының болуы немесе болмауы туралы анықтама;

5) өтініш берген күнге күнтізбелік 10 (он) күннен кешіктірмей наркологиялық ұйымдағы диспансерлік бақылауда тұрғаны/тұрмағаны туралы берілген анықтама;

6) өтініш берген күнге күнтізбелік 10 (он)  күннен кешіктірмей берілген психоневрологиялық ұйымдағы диспансерлік бақылауда тұрғаны/тұрмағаны туралы анықтама;

7) мамандандырылған туберкулезге қарсы ұйымнан өтініш берген күнге күнтізбелік 10 (он) күннен кешіктірмей берілген анықтама (туберкулезбен ауыратын науқастардың диспансерлік есепте тұрғаны/тұрмағаны туралы).

  1. Өтінішке қоса берілетін құжаттар, олардағы ақпаратты сәйкестендіру үшін жеткілікті сапада орындалған электрондық құжаттар түрінде операторға ұсынылады.

Өтініш беру оператордың ақпараттық жүйесінде орналастырылатын және мемлекеттік тапсырысты орналастыруға қатысатын тараптардың өзара қарым-қатынастарын реттейтін оператордың жария офертасына өнім берушінің акцептімен сүйемелденеді.

  1. Оператор өтінішті тіркелген күнінен бастап 5 (бес) жұмыс күні ішінде қарайды.

Өтінішті қарау қорытындылары бойынша, өнім беруші осы Қағидалардың 4, 5 және 6-тармақтарында көзделген талаптарға сәйкес болған жағдайда, өнім беруші мемлекеттік тапсырысты орналастыруға қатысатын өнім берушілердің тізіміне енгізіледі.

Өнім беруші осы Қағидалардың 4, 5 және 6-тармақтарында көзделген талаптарға сәйкес келмеген жағдайда, өнім берушіге дәлелді бас тарту жіберіледі.

  1. Мемлекеттік тапсырысты орналастыруға қатысатын өнім берушілер тізіміне енгізілген өнім беруші осы Қағидаларға 2-қосымшаға сәйкес нысан бойынша операторға өтініш жіберу арқылы өз бастамасы бойынша тізімнен шығарылады.

 

2-параграф. Спорт секцияларына орындарды бөлу тәртібі

  1. Өнім беруші спорт секцияларындағы орындарды босату фактісі бойынша операторға бос орындардың бар-жоғы туралы мәліметтерді береді, ал оператор Заңның 7-бабының 65-9) тармақшасына сәйкес дене шынықтыру және спорт саласындағы уәкілетті орган бекітетін балалар мен жасөспірімдерге арналған спорт секцияларын жан басына шаққандағы нормативтік қаржыландыру Қағидаларында көзделген көлемде оларды кейіннен бөлу үшін бос орындар туралы мәліметтерді қабылдайды.

Оператор ақпараттық жүйе арқылы баланың заңды өкіліне спорт секциясына қабылдау үшін электрондық ваучер бере отырып, балалар арасында бос орындарды олардың кезектілігіне сәйкес бөледі.

  1. Спорт секциясына қабылдануға ваучер алу үшін баланың заңды өкілі кезекке қоюға электрондық өтініш береді.

Ваучер бірегей нөмір болып табылады, оған оператор оны алған бала туралы ақпаратты, бала есепке алынатын өнім берушінің спорт секциясын және балаға бөлінетін қаржыландыру көлемін тіркейді. Берілген ваучер туралы ақпарат электрондық хабарлама арқылы баланың заңды өкіліне жіберіледі.

Баланың заңды өкілі өтініш беруді оның өзі немесе баланың заңды өкілі берген нотариалды куәландырылған сенімхат негізінде уәкілетті адам жүзеге асырады. Осы талаптың бұзылуы анықталған кезде оператор кезектегі өтініштің және ол бойынша берілген ваучердің күшін жояды, сондай-ақ
6 (алты) ай мерзімге бұзушылық жасаған адамға кезекке қоюға тыйым салады.

Мемлекеттік спорттық, шығармашылық және білім беру тапсырыстары шеңберінде ел ауқымында спорт секцияларының немесе шығармашылық үйірмелердің қызметтеріне бір бала үшін кезектердегі баланың заңды өкілінентек екіөтініш беруге жол беріледі.

Бала көшіп кеткен жағдайда баланың заңды өкілі операторға кезекке қоюға бұрын берілген өтінішті кері қайтарып алу туралы электрондық өтініш жібереді және баланың жаңа тұрғылықты жері бойынша кезекке қоюға қайтадан өтініш береді.

  1. Спорт секциясына қабылдау кезегін оператор ақпараттық жүйеде электрондық түрде жүргізеді.

Кезек өнім берушінің әрбір спорт секциясына жеке қалыптастырылады және балалардың заңды өкілдері берген өтініштерден тұрады. Кезектегі өтініштер олардың берілген күні бойынша, секундқа дейінгі дәлдікпен сұрыпталады, жеңілдіктері жоқ және кезекке қою күні мен уақытына байланысты кезектегі позициядан басқа, бір-біріне қатысты тең мәнді болады.

Кезектегі позиция балалардың кезектен шығуы себебінен кему жағына және өнім беруші ваучерлерін жойған балалардың кезекке оралуы себебінен өсу жағына қарай жылжиды.

Кезекте орын ауыстыруға жол берілмейді.

  1. Орындарды бөлу және ваучерлерді беру күн сайын Нұр-Сұлтан қаласының уақыты бойынша сағат 18:00-де ақпараттық жүйемен автоматты режимде жүзеге асырылады.

Ваучерлер мемлекеттік тапсырысты орналастыруға қатысатын тізімге енгізілген өнім берушілердегі спорт секцияларындағы бос орындарға кезек тәртібімен беріледі. Ваучер берілгеннен кейін баланың заңды өкілінің өтініші кезектен алынады.

Ваучердің қолданылу мерзімі 10 (он) жұмыс күнін құрайды, осы уақыт ішінде баланың заңды өкілі спорт секциясына қабылдау үшін қажетті құжаттарды жинауды және өнім берушімен шарт жасасуды жүзеге асырады.

Ваучер атаулы болып табылады және айырбастауға жатпайды.

Ваучердің қолданылу мерзімі ұзартылмайды, мерзімі өткен ваучер автоматты түрде жойылады. Баланың заңды өкілі қажет болған жағдайда кезекке қоюға қайта өтініш беруді жүзеге асырады.

Мемлекет тарапынан өнім берушілердің амалсыз тұрып қалуына әкеп соғатын, оның ішінде карантин, әлеуметтік, табиғи және техногендік сипаттағы төтенше жағдайлар салдарынан балалар спорт секциясына бармайтын шектеу шаралары белгіленген жағдайда оператор орындарды бөлуді және ваучерлерді беруді жүргізбейді.

  1. Жыл сайын 1-31 тамыз және 1-28 ақпан аралығында оператор бұрын кезекке қоюға өтініш берген, кезекте тұру мерзімі үш айдан асатын және баланы спорттық секцияларға қабылдау үшін ваучерлер алынбаған балалардың заңды өкілдерінің кезекті электрондық растау рәсімін жүзеге асырады.

Баланың заңды өкілі кезекте тұруға одан әрі мүдделігін электрондық түрде растайды немесе баланың заңды өкілінің растауы болмаған жағдайда оператор өтінішті кезектен алып тастайды.

Қажет болған жағдайда баланың заңды өкілі кезекке қоюға қайта өтініш беруді жүзеге асырады.

  1. Кезекке қоюға өтініш берген кезде баланың заңды өкілі оның отбасының балалар тұратын аудан (шағын учаскесі) бойынша спорт секцияларына қажеттілігі туралы ақпараты бар электрондық сауалнаманы толтырады.
  2. Өнім беруші операторға бөлу үшін берілген орындарды, оның ішінде берілген ваучері бар орындарды қайтарып алу себебін көрсете отырып, кері қайтарып алады.

Ваучер берілген орынды қайтарып алу баланың заңды өкілінің өтінішті беру күні мен уақытына сәйкес позицияға кезектегі бастапқы өтінішін қалпына келтіреді.

  1. Оператор төмендегі ақпаратты уақтылы өзектендіреді және ресми интернет-ресурс арқылы ашық қол жеткізуге ұсынады:

1) елді мекеннің аудандарындағы (шағын учаскелеріндегі) спорт секцияларына сұраныс туралы мәліметтер;

2) келесі қаржы жылына арналған мемлекеттік тапсырыстың қаржыландыру жоспары туралы мәліметтер;

3) ағымдағы қаржы жылында мемлекеттік тапсырыстың қаржыландыру жоспарының ай сайын орындалуы туралы мәліметтер;

4) спорт секциясының рейтингі туралы мәліметтер;

5) оператор балаларға арнап ұйымдастыратын аудандық, қалалық және өңірлік конкурстардың, байқаулар мен жарыстардың тегін іс-шараларының күнтізбесі;

6) баланың, аты-жөнін, әкесінің атын (бар болса), өтініштің нөмірі мен берілген күнін көрсете отырып, ваучер алуға кезекте тұрғандардың тізімі;

7) операторға бөлуге берілген орындар тізімі;

8) өнім берушілерден орындарды босату хронологиясы;

9) ваучерлерді беру хронологиясы.

Оператор жеке тұлғалар туралы мәліметтерді: жеке тұлғалардың телефон нөмірлерін, мекенжайларын, жеке сәйкестендіру нөмірлерін және туған күндерін жарияламайды.

  1. Оператор мемлекеттік тапсырыс рәсімдерін орындау барысында жинақталатын мәліметтерді ақпараттық жүйенің серверлерінде және Қазақстан Республикасы мемлекеттік органдарының бірыңғай көлік ортасы периметрінің ішінде нақты орналасқан ақпарат жеткізгіштерде сақтауды жүзеге асырады.

Оператордың мемлекеттік тапсырыс міндеттерін жүзеге асыратын ақпараттық жүйесінің құрамдас бөліктері:

1) «электрондық үкіметтің» сыртқы шлюзі арқылы Интернет желісін пайдаланушылармен өзара іс-қимыл жасайды;

2) Қазақстан Республикасы Үкіметінің 2016 жылғы 20 желтоқсандағы
№832 қаулысымен бекітілген «Ақпараттық коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға» сәйкес ақпараттық қауіпсіздікті қамтамасыз ету саласындағы уәкілетті органда ақпараттық қауіпсіздікті екінші деңгейден төмен емес ақпараттандыру объектілеріне қойылатын талаптарға сәйкестігіне ақпараттық қауіпсіздікке жүргізілген сынақтардың сәтті нәтижесі туралы акт алады;

3) мемлекеттік білім беру және мемлекеттік тапсырыс алатын және алуға кезекте тұрған балалар, осы процеске қатысатын өнім берушілер мен олардың қызметкерлері бойынша ақпарат алмасуды және ақпаратты салыстырып тексеруді, сондай-ақ бала баратын орта білім беру ұйымы туралы мәліметтерді, оның тәрбиешісі мен қамқоршылары туралы мәліметтерді, оның ағымдағы және тарихи үлгерімі туралы деректерді алуды жүзеге асыру үшін білім беру саласындағы уәкілетті органның ақпараттық жүйесімен интеграцияланады;

4) баланың денсаулық жағдайы туралы және баланың эпидемиологиялық ортасын талдау туралы анықтаманы электрондық түрде алу үшін денсаулық сақтау саласындағы уәкілетті органның ақпараттық жүйесімен интеграцияланады;

5) ақаулар жағдайында жұмысқа қабілеттілікті тез қалпына келтіру мүмкіндігі үшін жинақталған деректер қорларын сақтайды. 

 

3-тарау. Спорт секцияларының жұмыс істеу тәртібі 

  1. Спорт секцияларының жұмыс істеуі мыналарды қамтиды:

1) сабақтар өткізуге арналған бөлмеге қойылатын талаптар;

2) балаларды қабылдау, есепке алу және дамыту.

Спорт секцияларының жұмыс істеуін өнім беруші сабақтар өткізуге арналған үй-жайларды жарақтандыруға қойылатын талаптарды ескере отырып және Заңның 7-бабының 65-10) тармақшасына сәйкес дене шынықтыру және спорт саласындағы уәкілетті орган бекітетін мемлекеттік спорттық тапсырысты жан басына шаққандағы нормативтік қаржыландыру әдістемесіне сәйкес спорт секцияларының түрлеріне қойылатын талаптарды ескере отырып жүзеге асырады.

 

1-параграф. Сабақтар өткізуге арналған үй-жайға қойылатын талаптар

  1. Сабақ өткізуге арналған үй-жай таза және жұмыс істейтін, жабдықталған санитариялық тораппен жабдықталады:

дәретхана;

ыстық және суық суы бар қолжуғышпен;

жеке гигиена құралдарымен, оның ішінде дәретхана қағазымен және сабынмен;

жарықтандыру;

қол кептіргіш немесе бір рет қолданылатын қағаз сүлгі.

  1. Сабақ өткізуге арналған үй-жай топтағы балалардың рұқсат етілген санынан кем емес мөлшерде жеке шкафтармен, киім ауыстыратын орынмен жабдықталады.
  2. Мұз қабатын пайдаланатын спорт түрлері бойынша сабақтар өткізуге арналған үй-жайларды қоспағанда, сабақтар өткізуге арналған үй-жайлар, санитарлық торап пен киім шешетін бөлмелер жылытылады және күзгі-қысқы кезеңде кемінде 20°С температураны қамтамасыз етеді.

Сабақ өткізуге арналған үй-жайдың табиғи жарықтандырылуы және желдету мүмкіндігі бар терезелері болады немесе ішке сору-сыртқа тарату желдеткішімен жабдықталады.

  1. Сабақтар өткізуге арналған үй-жайларды күтіп-ұстау Қазақстан Республикасы Үкіметінің 2017 жылғы 17 ақпандағы №71 қаулысымен бекітілген Қазақстан Республикасы Денсаулық сақтау министрлігі туралы ереженің 16-тармағы бірінші бөлігінің 132-1) тармақшасында көзделген құзыретке сәйкес бекітілетін «Білім беру объектілеріне қойылатын санитариялық-эпидемиологиялық талаптар» санитариялық қағидаларында көзделген талаптарға сәйкес жүзеге асырылады.

  

2-параграф. Балаларды қабылдау, есепке алу және дамыту 

  1. Ваучерде көрсетілген өнім беруші мен баланың заңды өкілі арасында ваучердің қолданылу мерзімі ішінде баланы спорт секциясына қабылдауға шарт жасалады.

Өнім беруші мен баланың заңды өкілі арасында шарт жасасу әрбір ваучер бойынша жеке жүзеге асырылады.

  1. Баланың заңды өкілі өнім берушінің біліктілігін және сабақтарды өткізу шарттарын бағалау мақсатында өнім берушімен шартқа қол қою немесе қол қоймау туралы шешім қабылдау үшін ваучердің қолданылу мерзімі кезеңінде кемінде екі сынақ сабағын өткізуге жіберіледі.
  2. Шарт жасасу үшін баланың заңды өкілі өнім берушіге мынадай құжаттарды ұсынады:

1) спорт секциясына қабылдауға еркін нысандағы өтініш;

2) баланың суреті;

3) баланың туу туралы куәлігінің сканерленген көшірмесі;

4) «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) (бұдан әрі – ҚР ДСМ-175/2020 бұйрығы) бекітілген 027/у нысаны бойынша дәрігердің сабаққа жіберуге рұқсаты бар баланың денсаулық жағдайы туралы анықтама;

5) ҚР ДСМ-175/2020 бұйрығымен бекітілген 037/е нысаны бойынша баланың эпидемиологиялық ортасын талдау туралы анықтама.

  1. Өнім беруші шарт жасасудан мынадай жағдайларда бас тартады:

1) баланың заңды өкілі осы Қағидалардың 25-тармағында көзделген құжаттардың толық емес топтамасын ұсынуы;

2) баланың заңды өкілінің дұрыс емес және бұрмаланған ақпарат беруі;

3) баланы спорт секциясына қабылдауға кедергі келтіретін медициналық қарсы көрсетілімдердің болуы.

Ерекше білім беру қажеттіліктері бар немесе мүмкіндіктері шектеулі баланы спорт секциясына қабылдау мүмкіндігін бағалау өнім берушінің қалауы бойынша айқындалады.

  1. Баланы спорт секциясына қабылдау шарт жасалған күннен кейінгі келесі күні жүзеге асырылады.
  2. Баланың заңды өкілінің қалауы бойынша және өнім берушінің келісімі бойынша қабылданған бала алдын ала кезекке қою қажеттілігінсіз осы өнім берушінің басқа балалар тобына ауыстырылады.
  3. Өнім беруші балалардың заңды өкілдерін алдын ала хабардар ете отырып, ішкі қажеттілікке сәйкес топтарды, сабақтар кестесін және топтарда сабақ жүргізетін қызметкерлерді ұлғайтады, қысқартады және (немесе) қайта қалыптастырады.
  4. Өнім беруші күнтізбелік жылға арналған жұмыс жоспарын жасайды және онымен әрбір баланың заңды өкілін таныстырады

Жұмыс жоспары:

1) жарыстық (конкурстық) іс-шаралардың болжамды кестесін;

2) балалар іссапарлары мен жиындарының болжамды кестесін;

3) балалардың заңды өкілдері алдында есеп беру сөздерінің болжамды кестесін қамтиды.

  1. Өнім беруші әр бала үшін портфолио жүргізеді, оған бейне және фотоматериалдаржәне:

баланың жыл ішіндегі физикалық даму көрсеткіштері;

жарыстық (конкурстық) іс-шараларға қатысу нәтижелері туралы;

іссапарлар мен жиындарға қатысу;

балалардың заңды өкілдерінің алдында есеп беру сөздеріне қатысу;

жаттығу сабақтарына қатысу;

денсаулық сақтау ұйымдарында медициналық тексеруден өту нәтижелері бойынша баланы спорт секциясында оқуға жіберу немесе жібермеутуралы ақпарат енгізіледі.

  1. Өнім беруші баланы спорт секциясынан бір жақты тәртіппен шығарады, оның орнын бөлу үшіноператорға береді:

1) мектеп каникулдары кезеңін қоспағанда, дәлелді себепсіз қатарынан 3 рет өткізіп алған сабақтар болған кезде;

2) спорт секциясына бару регламентін сақтамағаны үшін;

3) денсаулық сақтау ұйымы растаған, баламен сабақ өткізуге кедергі келтіретін, баланың медициналық қарсы көрсетілімдері немесе эмоциялық-ерік саласының бұзылыстары болған кезде;

4) шарт талаптары сақталмаған кезде тоқтатылады.

Бала оқудан шығарылған кезде өнім беруші 10 (он) жұмыс күні ішінде баланың заңды өкіліне баланың портфолиосын береді.

 

Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеуі қағидаларына
1-қосымша

Үлгі

Мемлекеттік спорттық тапсырыс операторына

_________________________________________

облыстың, республикалық маңызы бар қаланың және

 астананың жергілікті атқарушы органы немесе мемлекеттік спорттық

тапсырысты орналастыру рәсімін әкімшілендіруді орындауға

уәкілетті оның құрылымдық бөлімшесі

            ______________________________басшысы атынан

басшының лауазымы, тегі, аты, әкесінің аты (бар болса)

 

өнім берушіден

_________________________________________

заңды тұлғаның (бизнес сәйкестендіру нөмірі),

 жеке кәсіпкердің (жеке сәйкестендіру нөмірі) атауы

_____________________________басшысы атынан

басшының лауазымы, тегі, аты, әкесінің аты (бар болса)

_________________________________________________

 

Мемлекеттік спорттық тапсырысты орналастыруға қатысуға өтініш

 

Мемлекеттік спорттық тапсырысты орналастыруға қойылатын талаптарды зерделеп, қоса берілген құжаттарды қарап, мені мемлекеттік тапсырысты орналастыруға қатысатын өнім берушілердің тізіміне қосуды сұраймын.

Мемлекеттік спорттық тапсырысты жан басына шаққандағы нормативтік қаржыландыру әдістемесіне сәйкес мынадай спорт секцияларының қызметтерін көрсетуді жоспарлап отырмын:

р/с

№

 

Спорт түрі

Балалар тобының түрі (инклюзивті, интеграцияланған, арнайы)

Балалардыңжасы мен жынысы

Қызметкөрсетутәсілі (стационарлықнемесеқашықтықтан)

Сабақтардыөткізутілі

Елдімекенніңауданы

(шағын учаскесі)

Қызмет көрсету мекен-жайы

1

2

3

4

5

6

7

8

Осымен балалар мен жасөспірімдерге арналған спорт секцияларында мемлекеттік спорттық тапсырысты орналастыру қағидаларында және олардың жұмыс істеуінде көзделген талаптармен, балалар мен жасөспірімдерге арналған спорт секцияларын жан басына нормативтік қаржыландыру қағидаларымен және мемлекеттік спорттық тапсырысты жан басына нормативтік қаржыландыру әдістемесімен танысқанымды растаймын.

 

Қосымша: құжаттар ________ парақта

Ұйым басшысы          _______________________________

қолы, тегі, аты, әкесінің аты (бар болса)

Толтырылған күні

Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеуі қағидаларына
2-қосымша

 

Үлгі

 

Мемлекеттік спорттық тапсырыс операторына

_________________________________________

облыстың, республикалық маңызы бар қаланың

және астананың жергілікті атқарушы органы немесе

мемлекеттік спорттық тапсырысты орналастыру рәсімін

әкімшілендіруді орындауға уәкілетті оның құрылымдық бөлімшесі

            ______________________________басшысы атынан

басшының лауазымы, тегі, аты, әкесінің аты (бар болса)

 

өнім берушіден

_________________________________________

заңды тұлғаның (бизнес сәйкестендіру нөмірі) ,

 жеке кәсіпкердің (жеке сәйкестендіру нөмірі) атауы

 

_____________________________басшысы атынан

басшының лауазымы, тегі, аты, әкесінің аты (бар болса)

 

_________________________________________________

 

Өтініш

 

Мені мемлекеттік спорттық тапсырысты орналастыруға қатысатын өнім берушілер тізімінен мынадай себеп бойынша шығаруды өтінемін:

__________________________________________________________________

себебін сипаттау

 

 

Ұйым басшысы                            _________________________________

                                                                 қолы, тегі, аты, әкесінің аты (бар болса)

Толтырылған күні

 

 

Қазақстан Республикасының Әділет министрлігі

________ облысының/қаласының Әділет департаменті

Нормативтік құқықтық акті 27.04.2021

Нормативтік құқықтық актілерді мемлекеттік

тіркеудің тізіліміне № 22631 болып енгізілді

 

Результаты согласования

Министерство культуры и спорта Республики Казахстан - Исполняющий обязанности директора департамента юридической службы Министерства культуры и спорта Республики Казахстан Жандос Кыдырмолданович Жаркымбеков, 27.04.2021 12:15:15, положительный результат проверки ЭЦП

Министерство юстиции РК - Вице-министра Наталья Виссарионовна Пан, 27.04.2021 16:59:10, положительный результат проверки ЭЦП

Результаты подписания

Қазақстан Республикасы Мәдениет және спорт министрлігі - Қазақстан Республикасы Мәдениет және спорт министрі А. Раимкулова, 27.04.2021 17:11:02, положительный результат проверки ЭЦП

Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары
Дата публикации
26 мая 2021