Жұмыс берушілерге шетелдік жұмыс күшін тартуға рұқсат беру алгоритмі
- Жұмыспен қамту мәселелері жөніндегі жергілікті атқарушы органның жұмыс берушіден Е-лицензиялау арқылы ШЖК тартуға өтініш қабылдауы.
- Комиссияның өтініштерді қарауы (комиссияның құрамына Ішкі істер органдарының, білім беру саласындағы органның және еңбек инспекциясы жөніндегі жергілікті органның өкілдері кіреді).
- Жергілікті атқарушы органның ШЖК тартуға рұқсат беру немесе беруден бас тарту туралы шешім қабылдауы.
- Жергілікті атқарушы органның жұмыс берушіге қабылданған шешім туралы хабарламаны «ШЖК» ААЖ арқылы Жолдауы.
- Жұмыс берушінің он жұмыс күні ішінде Е-лицензиялау арқылы салық алымын төлеу туралы құжаттардың көшірмелерін ұсынуы.
- Е-лицензиялау арқылы жұмыс берушіге рұқсат беру.
Қызметті онлайн қалай алуға болады («электрондық лицензиялау» порталында www.elicense.kz)
- Осы бетте «Қызметке онлайн тапсырыс беру» батырмасы бойынша өту, содан кейін жаңа терезеде «электрондық лицензиялау» порталы ашылады.
- Жүйеге кіру немесе «электрондық лицензиялау» порталында тіркелу.
- Қызмет паспортында құжаттар топтамасымен танысу және «Қызметке онлайн тапсырыс беру» батырмасы бойынша өту немесе қажетті кіші қызмет түрін таңдау және «бұдан әрі» батырмасы бойынша өту.
- Қажетті деректерді көрсету, өтінішті толтыру және ЭЦҚ-мен қол қою.
- Берілген өтініштің мәртебесін Жеке кабинетте «Менің өтінішім» бөлімінде қадағалауға болады. Рұқсат алу туралы «Менің рұқсат беру құжаттарым» бөлімінен, хабарлама алу туралы – «Менің хабарламаларым» бөлімінен біле аласыз.