Құрметті қаржы саласының ардагерлері мен қызметкерлері!

Баршаңызды Ұлттық валюта – Теңге күні және Қазақстан Республикасының қаржы саласының қызметкерлері күні мерекелерімен шын жүректен құттықтаймын!

Мемлекет басшысы Қасым-Жомарт Кемелұлы: «Төл теңгеміз – қастерлі Тәуелсіздігіміздің символы. Сонымен қатар, экономикалық дамуымыздың басты кепілі. Еліміздің қаржы жүйесіне халықтың әл-ауқатын одан әрі жақсарту міндеті жүктеледі», - деп атап өткен болатын.
Сондықтан Сіздердің Ұлттық валютамыз, қаржы саласын дамытудағы ерекше еңбектеріңізді, алдағы уақытта да еліміздің қаржы әлеуетін дамытуға және ауданымыздың әлеуметтік-экономикалық дамуына бағытталған жұмыстарыңызға сәттілік тілеймін.

Ізгі тілекпен,
Шет ауданының әкімі
Мұхит Мұхтаров

Дендеріңіз сау, еңбектеріңіз жемісті, қызметтеріңізде жаңа белеске жетулеріңізге тілектеспін!