Аудан әкімі М.Мұхтаров Көктіңкөлі, Батық, Ақой, Красная Поляна ауылдық округтеріне іс-сапармен барды.

Іс-сапар барысында Көктіңкөлі ауылдық округінің тұрғындарымен кездесіп, күн тәртібіндегі эпидемиологиялық және округтегі ағымдағы жағдай туралы мәселелер қаралды.
Аталмыш кездесуге аудан әкімінің орынбасары М.Жумкин, аудандық орталық аурухана директоры А.Аманжолов және ТКШ, ЖК, АЖ және ТИ бөлімінің бас маманы Ж.Амантай қатысты.

Жиын барысында аудандық аурухананың директоры А.Аманжолов бірінші мәселе бойынша баяндама жасап, профилактикалық жұмыстарды күшейту керек екенін ескертті. Сонымен қатар, Көктіңкөлі ауылдық округінің тұрғындарына сөз беріліп, күн тәртібіндегі мәселелер талқыланды. Аудан басшысы көтерілген мәселелер бойынша тиісті басшылыққа тапсырмалар беріп, алдағы тамыз айында ауыл тұрғындарымен тағы бір кездесу өтетінін жеткізді.