Мемлекеттік рәміздер күніне орай Шет аудандық жастар ресурстық орталығы аудан тұрғындары арасында арнайы сауалнама жүргізді

Сауалнама барысында тұрғындардың мемлекеттік рәміздер туралы білім деңгейі, олардың маңызы мен құндылығы жөніндегі пікірлері сұралды. Қатысушылар Қазақстан Республикасының Туы, Елтаңбасы және Әнұраны – Тәуелсіздігіміздің айқын белгісі, ел бірлігі мен ұлттық рухтың символы екенін атап өтті.

Мемлекеттік рәміздерге құрмет көрсету – әрбір азаматтың қасиетті борышы. Осындай іс-шаралар жас ұрпақтың патриоттық санасын қалыптастырып, елге деген сүйіспеншілігін арттыруға ықпал етеді.

🇰🇿 Мемлекеттік рәміздеріміз – мақтанышымыз, мәртебеміз және елдігіміздің нышаны!