«Сенің таңдау құқығың» тақырыбында жас сайлаушылармен кездесу
Шет аудандық сайлау комиссиясының төрағасы Е.Мұқабаев пен комиссия төрағасының орынбасары Г.Акеева 3 ақпанда Дүниежүзілік сайлау күніне орай жас сайлаушылармен «Сенің таңдау құқығың» тақырыбында кездесу өткізді.
Комиссиясы төрағасы Е.Мұқабаев кездесу барысында сайлау комиссияларының құрылуы мен қызметі, олардың азаматтардың конституциялық құқықтарын қамтамасыз етудегі - сайлау және сайлану ролі туралы айтып берді жән сайлау құқығының принциптері туралы, сайлаушының құқықтық мәртебесі туралы және сайлауды өткізудің маңыздылығы туралы хабардар етті.
Комиссия төрағасының орынбасары Г.Акеева Қазақстан Республикасындағы сайлау туралы Конституциялық заңына ауылдық округ, кент әкімдерінің сайлауын өткізу бойынша енгізілген өзгерістер мен толықтыруларға және мүмкіндігі шектеулі азаматтардың дауыс беру құқықтарына тоқталып өтті.
Кездесу барысында жастардың пікір-сұрақтарына жауап берілді.
Қорытындылай келе, комиссия төрағасы жас сайлаушыларға бей-жай қарамауға, сайлауға қатысуға мүмкіндік пен уақыт табуға, сондай-ақ, өз елінің болашағын құру жауапкершілігін түсінуге тілек білдірді, өйткені олардың дауысы өте маңызды.
Шет аудандық сайлау комиссиясы