«САНАЛЫ ТАҢДАУ – САПАЛЫ БОЛАШАҚ» АТТЫ КЕЗДЕСУ КЕШІ ӨТТІ.
Бүгін Дүниежүзілік сайлау күніне орай, Шет аудандық сайлау комиссиясының ұйымдастыруымен «Саналы таңдау – сапалы болашақ» тақырыбында Шет аудандық мәслихатының төрағасы С. Социалмен кездесу кеші өтті.
Айтулы шараға Шет аудандық сайлау комиссиясы жанынан құрылған «Жас сайлаушылар клубының» мүшелері қатысты.
Кездесу барысында мәслихат төрағасы жастарға сайлау жүйесінің маңызы, оның артықшылықтары және депутаттық корпустың құзыреттілігі туралы жан-жақты мәліметтер берді.
Еркін форматта өткен кездесуде жастар өздерін қызықтырған түрлі сауалдарын жолдап, оларға тұшымды әрі толыққанды жауаптар алды.
Сонымен қатар, клуб мүшелері халық қалаулысына бірқатар ұсыныс-пікірлерін білдіріп, алдағы уақытта жастармен бірлесіп атқарылатын жұмыстар талқыланды.
Іс-шара аясында қатысушылар сайлау жүйесіне қатысты «Ашықтық», «Сайлау» тақырыптарындағы сөзжұмбақтарды топтарға бөлініп шешті.
Кездесу соңында белсенділік танытқан қатысушыларға естелік сыйлықтар табысталды.