Шет ауданының Бұрма, Босаға ауылдық округтері әкімдеріне кандидаттарды тіркеу қорытындылары туралы
2024 жылғы 28 қаңтарда Шет ауданының аумақтық сайлау комиссиясының отырысы өтті, онда "2024 жылғы 18 ақпанға тағайындалған Шет ауданының ауылдық округтері әкімдеріне кандидаттарды тіркеу қорытындылары туралы" шешім қабылданды.
Шет ауданының Бұрма, Босаға ауылдық округтері әкімдеріне кандидаттарды тіркеу қорытындылары туралы баяндамамен аудандық сайлау комиссиясының төрағасы Б.Амангельдинов сөз сөйледі.
2024 жылғы 28 қаңтар сағат 18:00-ге Шет ауданының Бұрма, Босаға ауылдық округтері әкімдеріне 6 кандидат ұсынылып, оның 6-ы (100%) тіркелгендігін хабарлады. Тіркелген үміткерлердің ішінде 5 ер адам және 1 әйел адам бар.
Мамандықтар бойынша: 1 – қаржыгер, 2 – заңгерлер, 2 – оқытушылар, 1-басқа.
Тіркелген кандидаттардың ішінде: мемлекеттік ұйымдардың, кәсіпорындар мен мекемелердің 1 қызметкері мен 5 мемлекеттік қызметші.
2024 жылғы 28 қаңтар сағат 18:00-ден бастап Шет ауданының Бұрма, Босаға ауылдық округтері әкімдігіне тіркелген барлық кандидаттар ағымдағы жылғы 17 ақпан сағат 00.00-ге дейін жалғасатын сайлау алдындағы үгітті бастауға құқылы.
Қазақстан Республикасы Орталық сайлау комиссиясының "Бұқаралық ақпарат құралдарында сөз сөйлеу үшін кандидаттарға қаражат бөлу қағидалары мен көлемін бекіту туралы" 2018 жылғы 25 тамыздағы №12/202 қаулысына сәйкес кандидатқа БАҚ-та өз бағдарламаларымен сөз сөйлеу үшін қаражат бөлу көзделген: теледидарда - 15 минут; радиода-10 минут; мерзімді баспасөз басылымдарында немесе желілік басылымдарда екі мақаласын жариялау үшін 0,1 баспа парағынан артық емес. Барлық кандидаттарға заңнамада үгіт жұмыстарын жүргізу үшін тең жағдайларға кепілдік беріледі.
ШЕТ АУДАНДЫҚ АУМАҚТЫҚ САЙЛАУ КОМИССИЯСЫ