Шет аудандық сайлау комиссиясының
ХАБАРЛАМАСЫ
Шет аудандық сайлау комиссиясы хабарлайды:
- "Қазақстан Республикасындағы сайлау туралы" Қазақстан Республикасы Конституциялық Заңының 14-бабының 6) тармақшасына, 21-бабының 4-тармағына, 22-бабына сәйкес Шет ауданының Ақсу-Аюлы, Талды ауылдық округтері және Ақадыр, Ақшатау, Мойынты кенттерінің әкімдерін сайлау бойынша сайлау округтері құрылды:
1) Ақсу-Аюлы ауылдық округінің шекарасында Ақсу-Аюлы сайлау округі;
2) Талды ауылдық округінің шекарасында Талды сайлау округі;
3) Ақадыр кентінің шекарасында Ақадыр сайлау округі;
4) Ақшатау кентінің шекарасында Ақшатау сайлау округі;
5) Мойынты кентінің шекарасында Мойынты сайлау округі.
- "Қазақстан Республикасындағы сайлау туралы" Конституциялық заңның 14 бабының 3 тармағына және 113-1 бабына сәйкес келесі ауылдық округтер мен кенттер әкімдерінің сайлауы 2023 жылғы 17 қыркүйекке тағайындалды:
- Ақсу-Аюлы ауылдық округі әкімінің;
- Талды ауылдық округі әкімінің;
- Ақадыр кенті әкімінің;
- Ақшатау кенті әкімінің;
- Мойынты кенті әкімінің.
- 2023 жылдың 17 қыркүйегіне тағайындалған Шет ауданының ауылдық округтері мен кенттері әкімдерінің сайлауын әзірлеу мен өткізу жөніндегі негізгі іс-шаралардың Күнтізбелік жоспары бекітілді:
- Әкімдікке үміткерлерді ұсыну 2023 жылдың 10 тамызында басталып, 2023 жылдың 22 тамызы сағат 18:00-де аяқталады;
- Әкімдікке үміткерлерді тіркеу 2023 жылдың 27 тамызы сағат 18:00-де аяқталады.
Шет аудандық сайлау комиссиясы