«Шет ауданының жұмыспен қамту және әлеуметтік бағдарламалар бөлімінің «Отбасын қолдау орталығы» коммуналдық мемлекеттік мекемесі туралы ақпарат

«Шет ауданының жұмыспен қамту және әлеуметтік бағдарламалар бөлімінің «Отбасын қолдау орталығы» коммуналдық мемлекеттік мекемесі – отбасы институтын нығайтуға, өмірлік қиын жағдайға тап болған азаматтар мен отбасыларға жан-жақты қолдау көрсетуге бағытталған әлеуметтік мекеме.

Орталықтың негізгі мақсаты – тұрғындардың өмір сүру сапасын арттыру, отбасы құндылықтарын дәріптеу, өмірлік қиын жағдайға тап болған азаматтарға әлеуметтік, құқықтық және психологиялық көмек көрсету, сондай-ақ мемлекеттік отбасы саясатын іске асыруға ықпал ету.

Негізгі қызмет бағыттары:

  • өмірлік қиын жағдайға тап болған отбасыларды анықтау және әлеуметтік сүйемелдеу;
  • азаматтарға әлеуметтік, құқықтық және психологиялық кеңес беру;
  • отбасыдағы дау-жанжалдардың алдын алу және оларды шешуге жәрдемдесу;
  • тұрмыстық зорлық-зомбылықтың алдын алу бағытында ақпараттық-түсіндіру жұмыстарын жүргізу;
  • отбасы құндылықтарын нығайтуға бағытталған іс-шаралар, семинарлар, кездесулер мен тренингтер ұйымдастыру;
  • мемлекеттік органдармен және басқа да ұйымдармен бірлесіп кешенді көмек көрсету;
  • Қарағанды облысында бас бостандығынан айыру орындарынан босатылған адамдарды әлеуметтік бейімдеу және қайта әлеуметтендіру жөніндегі пилоттық жоба аясында азаматтарға әлеуметтік, психологиялық және құқықтық қолдау көрсету;
  • мобильді топтардың жұмысын ұйымдастыру арқылы мұқтаж отбасыларға уақытылы қолдау көрсету;
  • халыққа мемлекеттік қолдау шаралары бойынша ақпараттық-консультациялық көмек көрсету.

Орталыққа өмірлік қиын жағдайға тап болған немесе сондай жағдайдың туындау қаупі бар азаматтар, аз қамтылған және көпбалалы отбасылар, тұрмыстық зорлық-зомбылықтан зардап шеккен адамдар, ажырасу қаупі бар отбасылар, сондай-ақ кеңес пен қолдауға мұқтаж барлық тұрғындар жүгіне алады.
Біздің ұстанымымыз – әр отбасының әл-ауқатын арттыруға, қоғамдағы отбасы құндылықтарын нығайтуға және тұрғындарға сапалы әрі қолжетімді қызмет көрсетуге үлес қосу.

Директор: Арыстанбекова Ләззат Мейрамқызы

Мекен-жайы: Қарағанды облысы, Шет ауданы, Ақсу-Аюлы ауылы, Шортанбай жырау көшесі, 73/4.

Тел.: +7 (747) 368-01-91

E-mail: cpsshetsk@mail.ru

Instagram: @otbasynqoldau_shet_audany

Дата публикации
04 августа 2026