Мониторинг аясында округ аумағындағы барлық әлеуметтік нысандар мен орталықтандырылған қазандықтары көмір қорымен қамтамасыз етілуі және қазандықтардың техникалық жай-күйі жергілікті жерде тексеріліп, бақылауға алынған. Тексеру барысында анықталған кемшіліктерді жою бойынша тиісті шаралар қабылданып, жауапты тұлғаларға нақты тапсырмалар берілуде.
Нұраталды ауылдық округі бойынша облыстық сенбілік ұйымдастырылып, санитарлық тазалық жұмыстары жүргізілді.
Сенбілікке ауылдық округтегі мекеме басшылары мен қызметкерлері белсене қатысып, өздеріне бекітілген аумақтармен қатар, ауыл көшелерін де тазалады.
Тазалық – баршамызға ортақ міндет. Туған ауылымыздың көркеюі мен тазалығына әрқайсымыз өз үлесімізді қосайық!
23.09.2026 ж. Нұраталды ауылдық округінде ауыл тұрғындарының құқықтық сауаттылығын арттыру мақсатында кездесу ұйымдастырылды. Іс-шара барысында тұрғындарға түрлі бағыттар бойынша тегін құқықтық консультациялар беріліп, азаматтардың құқықтары мен міндеттері, заң талаптары, нотариаттық қызметтер және атқарушылық іс жүргізу мәселелері бойынша түсіндіру жұмыстары жүргізілді.
Кездесуге Қарағанды облысы Әділет департаментінің бөлім басшысы Ғ.С. Әдібаев, Шет ауданының жеке нотариусы Е.Д. Закирбеков және Қарағанды облысы Әділет департаментінің мемлекеттік сот орындаушысы Е.Е. Әуесбаев қатысып, тұрғындардың сауалдарына жауап берді.
Кездесу барысында азаматтарға құқықтарын заң аясында қорғау жолдары, құқықтық мәселелердің алдын алу, нотариаттық рәсімдер және атқарушылық құжаттарды орындау тәртібі жөнінде нақты ақпараттар ұсынылды.
Іс-шараның негізгі мақсаты – «Заң және тәртіп» жобасы аясында халықтың құқықтық сауаттылығын арттыру, азаматтарға құқықтық көмек көрсету, заң талаптарын түсіндіру және құқық бұзушылықтардың алдын алу.
В Нураталдинском сельском округе проведена профилактическая разъяснительная работа среди государственных служащих по вопросам профилактики и противодействия коррупции.
В мероприятии принял участие член информационно-разъяснительной группы Карагандинской области Абишев Жомарт Сулейменович, который дал разъяснения государственным служащим по профилактике коррупционных рисков, соблюдению требований законодательства и соблюдению этических норм на государственной службе.
В ходе встречи было уделено внимание вопросам формирования антикоррупционной культуры, повышения правовой грамотности и усиления ответственности государственных служащих.
«Нұраталды ауылына кіреберісте осындай әдемі арканың орнатылғаны қуантады. Бұл – ауылымыздың көркін арттырып, келушілерге жақсы әсер қалдыратын көрікті нысан болды. Туған ауылымыздың жылдан-жылға көркейіп, ажарланып келе жатқаны көңілге қуаныш ұялатады. Осындай игі жұмыстар жалғасын таба берсін!»
Ауылымызда жылқышылық кәсібін атқарып жүрген Қуандықов Ерғазы ағамыз жылқы бағумен қатар, ит асырауды да өзіне серік еткен азамат. Ол әртүрлі ит тұқымдарын баптап, соның ішінде қазақы тазыны және басқа да аңшылық ит тұқымдарын өсіріп келеді.
Ерғазы ағамыздың айтуынша, қазақ тазысы – өте сақ, сезімтал, жүйрік әрі төзімді ит. Мұны ол сайын далада жылқы бағып жүріп өз көзімен талай байқаған. Даланы еркін шарлап, айналасын жіті бақылап, қауіп-қатерді алыстан сезетін тазының бойындағы қасиеттер қазақтың кең даласындағы тіршілікке әбден бейімделгенін көрсетеді. Ағамыздың айтуынша, тазының қадірі оның сыртқы сымбатында ғана емес, мінезі мен алғырлығында, адалдығы мен аңшылық қабілетінде. Далада жылқы соңында жүріп, тазының табиғатын күнделікті өмірде танып-білуі – оның бұл іске деген шынайы ықыласын аңғартады.
Қазақ халқы үшін тұқымы асыл тазы – жай ғана ит емес, атадан балаға жалғасқан ұлттық мұра, саятшылық өнердің сенімді серігі. «Ит – жеті қазынаның бірі» деген халқымыз төрт аяқты серігін де қадірлеген.
Бүгін Нұраталды ауылында тұрғындардың қауіпсіздігін қамтамасыз етуге бағытталған маңызды нысан – жаңа өрт сөндіру бекетінің ашылу салтанаты өтті.
Іс-шараға Қарағанды облысы Төтенше жағдайлар департаментінің бастығы, генерал-майор М. Т. Аманбаев және Шет ауданының әкімі М. Мұхтаров қатысты.
Жаңа өрт сөндіру бекетінің іске қосылуы Нұраталды ауылы мен жақын орналасқан елді мекендердегі өрт қауіпсіздігін күшейтіп, төтенше жағдайларға жедел ден қоюға мүмкіндік береді.
Бұл – ауыл тұрғындарының өмірі мен денсаулығын, сондай-ақ олардың мүлкін қорғауға бағытталған маңызды қадам.
Жаңа нысан ел игілігіне қызмет етіп, ауыл тұрғындарының қауіпсіздігін қамтамасыз етуге өз үлесін қоссын!
Қарағанды облысы бойынша жыл басынан бері 2 292 интернет алаяқтық деректері тіркеліп, көбінде, бұл қылмыстың түрі ұялы телефондарды қолдану арқылы жасалады.
Алаяқтар банктік ақпаратқа қол жеткізу үшін азаматтардың қажетті жеке мәліметтерін алудың түрлі тәсілдерін қолданады: жоғары лауазымды полиция қызметкерлері WhatsApp мессенджеріне алдын ала қолдан жасалған, растайтын құжаттарды тастай отырып ұсынады: елтаңбалы мөрмен расталған қызметтік куәліктерді, қылмыстық іс қозғау туралы қаулы түрлі банктердің қаржы бөлімдерінің қызметкерлері ұсынады.
Мысалы, Қарағанды қалалық полиция басқармасының Киберпол бөлімшесімен аз. А. арызы бойынша тергеп-тексеру жүргізілуде, іс құжаттарына сәйкес белгісіз тұлғалар оның атынан онлайн несие алып, алған қаражатты жымқырған.
Көбінде Сізге несие рәсімделгені туралы жаңылыстырады және олар банк картасы бойынша мәліметтерді, карточка нөмірін, банк картасының артқы жағында орналасқан CV кодын хабарлауды сұрайды және алаяқтар WhatsApp мессенджеріне қонырауларды пайдаланады, өйткені WhatsApp қоңырауларды бақылау қиын, өйткені бұл адамдар ел ішінде де, одан тыс жерлерде де болуы мүмкін.
Интернет-алаяқтық «Колеса», «Крыша», «OLX» интернет-сайттарын пайдалану арқылы да жасалады. Әлеуметтік желілер арқылы: «Инстаграмм», «Телеграмм», «Фейсбук», «ВКонтакте», арқылы мүлікті сату туралы хабарландыруды жариялау кезінде.
Сонымен қатар, алаяқтар көбінесе қымбат заттардың өте төмен құнын пайдаланады, осылайша сатып алушыларды тартады.
Қазіргі уақытта қылмыстың осы түрін жандандыруға байланысты ішкі істер органдары қылмыстың осы түрін жасауға жол бермеуге бағытталған шаралар қабылдауда.
ІІМ АБАЙЛАҢЫЗ - ИНТЕРНЕТ АЛАЯҚТАР қылмыскерлердің алаяқтық әрекеттері туралы ескерту сипатындағы SMS хабарламалар жібере басталды.
Республиканың ішкі істер органдары азаматтарды сақ болуға және негізгі сақтық шараларын ұстануға шақырады. ІІМ негізгі ұсынымдары:
5.Қолданбаларды орнату үшін тек ресми App Store, Play Market және т.б. пайдаланыңыз.
ҚСжАЕК Қарағанды облысы бойынша Департаменті
ТҰРМЫСТЫҚ ЗОРЛЫҚ-ЗОМБЫЛЫҚҚА ЖОЛ ЖОҚ!
Отбасы – әр адам үшін қауіпсіздік пен өзара құрметтің мекені болуы тиіс.
Тұрмыстық зорлық-зомбылыққа жол бермеу – қоғамның ортақ міндеті. Күш көрсету, қорқыту, қорлау, психологиялық қысым көрсету және басқа да зорлық әрекеттеріне немқұрайлы қарауға болмайды.
Құрметті азаматтар!
Егер сіз немесе жақындарыңыз тұрмыстық зорлық-зомбылыққа тап болса, жағдайды жасырмай, тиісті мемлекеттік органдар мен құқық қорғау органдарына жүгініңіз.
Зорлық-зомбылықтың алдын алу үшін:
🔹 отбасында өзара сыйластық пен түсіністікті қалыптастырыңыз;
🔹 жанжалдарды күш қолданбай, бейбіт жолмен шешуге тырысыңыз;
🔹 зорлық-зомбылық белгілеріне бейжай қарамаңыз;
🔹 қиын жағдайға тап болған азаматтарға қолдау көрсетіңіз;
🔹 құқық бұзушылықтың алдын алу үшін тиісті органдарға дер кезінде хабарласыңыз.
Зорлық-зомбылыққа үнсіз қалмаңыз! Қауіпсіз отбасы – қауіпсіз қоғамның негізі.
«АРДАҚТЫ ӘКЕ – ҰЛЫ ТҰЛҒА»
АТТЫ РЕСПУБЛИКАЛЫҚ БАЙҚАУЫНЫҢ ӨТКІЗУ ЕРЕЖЕСІ
Әке – отбасының қорғаны, тәрбиенің темірқазығы, ұрпаққа бағыт-бағдар беретін асыл тұлға. Әкенің ақылы мен еңбегі, сабыры мен жауапкершілігі - отбасының берекесі мен бала тәрбиесінің берік негізі. Әке өнегесі арқылы ұрпақ адалдыққа, еңбекқорлыққа, елжандылыққа, жауапкершілік пен адамгершілікке тәрбиеленеді. Осы орайда, өмірін баласының бақыты мен отбасының берекесіне арнаған, қоғамда сыйлы, отбасында өнегелі, ұрпақ тәрбиесіне ерекше үлес қосып жүрген әкелерді ұлықтау мақсатында
«Жаңа Қазақстан» инновациялық орталығы мен «Даму» халықаралық инновациялық орталығы бірігіп «АРДАҚТЫ ӘКЕ - ҰЛЫ ТҰЛҒА» атты республикалық байқауын ұйымдастырады.
Байқауға еліміздің барлық өңірінен отбасында өнегелі, қоғамда белсенді, еңбегімен елге үлгі болып жүрген ардақты әкелерді қатысуға шақырамыз!
Іс-шараның мақсаты: отбасылық құндылықтарды дәріптеу, әкенің бала тәрбиесіндегі орны мен жауапкершілігін насихаттау, қоғамда өнегелі өмір жолымен танылған әкелерді республика көлемінде таныту және олардың еңбегін бағалау. Сонымен қатар байқау арқылы жас ұрпаққа әке тәрбиесінің маңызын түсіндіру, отбасындағы сыйластықты, ұлттық тәрбие мен адамгершілік құндылықтарды кеңінен насихаттау көзделеді.
Республикалық байқауға қатысушылар:
✓ отбасында өнегелі əке атанған, «толық отбасы» қағидасын берік ұстанған азаматтар;
✓ бала тəрбиесіне ерекше көңіл бөліп жүрген əкелер;
✓ қоғамдық өмірге белсенді қатысатын азаматтар;
✓ еңбек жолында табысқа жеткен сала мамандары;
✓ білім, медицина, мəдениет, спорт, өндіріс, кəсіпкерлік жəне басқа да салаларда еңбек етіп жүрген азаматтар;
✓ ұрпағына үлгі болып жүрген зейнет жасындағы ардақты əкелер;
✓ қайырымдылық, қоғамдық жəне тəрбиелік бағыттағы жұмыстарға үлес қосып жүрген азаматтар.
Байқаудың шарттары:
Байқау екі кезеңнен тұрады. Бірінші кезең бойынша қатысушы өтініш кестесін толтырып, әкесі жайлы жазылған 2 беттен артық емес өмірбаянын (Word форматында, 14 кегл, Times New Roman, 3-ші жақта), сапалы 3х4 суретін, сондай-ақ өмірбаяндағы жеткен жетістіктерін растайтын құжат көшірмелерін (мыс.: алынған алғыс хат, сертификат, куәлік және т.б.) жіберуі тиіс.
Құжаттар elorda_bilim@mail.ru