Антитеррор
Қазіргі жағдайда терроризмге және экстремизмге қарсы іс-қимыл олардың кез келген көріністерінде елдің ұлттық қауіпсіздігін қамтамасыз етудегі басым бағыттардың бірі болып табылады.
Біздің елімізде терроризмге қарсы ауқымды ұйымдастырушылық және практикалық жұмыстар жүргізілуде. Қажетті құқықтық негіз қалыптастырылған. Құқық қорғау және арнайы органдардың антитерристік бөлімшелері нығайтылған. Аса маңызды мемлекеттік объектілердің қауіпсіздік жүйелеріне қойылатын нақты талаптарды белгілейтін мемлекеттік нормативтер қолданысқа енгізілді. Бұл шаралардың тиімділігі прокуратурамен, ішкі істер және төтенше жағдайлар органдарымен бірлесіп тексеріледі.
Біздің елімізде 2011 және 2012 жылдары терроризм мен экстремизм көріністерінің белгілі фактілері еліміздің терроризмге қарсы құрылымдарының жұмысына тиісті түзетулер енгізуді талап етті. Осы мақсатта кейбір заңнамалық актілерге терроризмге қарсы іс-қимыл мәселелері бойынша елеулі өзгерістер мен толықтырулар енгізілді.
Олардың терроризмге қарсы іс-қимыл саласындағы қызметін үйлестіру үшін 2013 жылғы маусымда Мемлекет басшысының Жарлығымен тұрақты жұмыс істейтін консультативтік-кеңесші орган ретінде жаңа форматта Қазақстан Республикасының Терроризмге қарсы орталығы құрылды. Ол ҰҚК ТҚО құқықтық мирасқоры болып табылады, оның мүшелері елдің 23 министрліктері мен ведомстволарының бірінші басшылары.
Қазақстан Республикасының Терроризмге қарсы орталығы туралы Ереже Қазақстан Республикасы Президентінің 2013 жылғы 24 маусымдағы № 588 Жарлығымен бекітілген.
Терроризмге қарсы орталықтың жұмысында терроризмнің алдын алуды жетілдіру мәселелеріне басымдық берілген. Қоғамда экстремистік идеологияны тарату процестеріне қарсы тұру үшін жергілікті жерлерде әкімдіктер жанынан терроризмге қарсы комиссиялар (КБА) құрылды.
«Терроризмге қарсы комиссиялар туралы үлгі ережені бекіту туралы» Қазақстан Республикасы Президентінің Жарлығы олардың қызметінің құқықтық негізі болып табылады. Комиссиялар шешетін саяси, әлеуметтік-экономикалық, құқықтық, тәрбиелік, насихаттық және басқа да мәселелердің түпкі қорытындысы қоғамда терроризмге қарсы тұрақты сананы қалыптастыру болып табылады.
Сонымен қатар тіршілікті қамтамасыз ету объектілерінің, көлік инфрақұрылымының, халықтың жаппай жиналатын орындарының, мемлекеттік органдардың әкімшілік ғимараттарының, басқа да кәсіпорындар мен ұйымдардың қорғалу деңгейін арттыруға ерекше назар аударылған.
Қазіргі уақытта командалық-штабтық және жедел-тактикалық оқу-жаттығуларды, бөлек жаттығулар мен хабардар ету жүйелерін тексеруді жыл сайын жүзеге асыру терроризмге қарсы операцияларды жүргізу кезінде министрліктер мен ведомстволардың күштері мен құралдарын тиімді басқаруға қол жеткізілді.
Бүгінгі таңда Қазақстан Республикасының Терроризмге қарсы орталығының қазіргі форматы мемлекеттік органдардың терроризмге қарсы іс-қимыл саласындағы келісілген және үздіксіз қызметін қамтамасыз етуге мүмкіндік беретінін сеніммен айтуға болады.
Қазақстан терроризмді, оның оның барлық нысандары мен көріністерінде батыл айыптап, әлемдік қауымдастықтың осы құбылыспен күресудегі ұжымдық күш-жігерін қолдайды.
Қазақстан аумағында қызметі террористік сипаттағы ұйымдарға тыйым салынған. Егер олардың жарғылық мақсаттары мен қызметі Конституцияға, Қазақстан Республикасының Заңдарына және Қазақстан Республикасы қатысушысы болып табылатын халықаралық шарттарға қайшы келсе, ұйымдар террористік деп танылады.
Қазақстан Республикасының аумағында қызметіне тыйым салынған террористік және экстремистік ұйымдардың ұлттық тізіміне 18 шетелдік құрылым енгізілген («Әл-Каида», «Асбат аль-Ансар», «Братья-мусульмане», «Боз гурд», «Орталық Азия жамағаты», «Өзбекстанның ислам қозғалысы», «Шығыс Түркістанның ислам партиясы», «Түркістанның ислам партиясы», «Күрд Халық Конгресі», «Талибан», «Лашкар-и-Тайба», «Хизб-ут-Тахрир» «Таблиғи Жамаат» және «Әлеуметтік реформалар қоғамы», «АУМ Синрике», «Шығыс Түркістанды азат етуді ұйымдастыру», «Джунд әл-Халифат (Халифат сарбаздары)», «Сенім. Білім.» және т. б.).
Халықаралық терроризм мен экстремизмге қарсы күрес мемлекеттердің барлық деңгейлерде (жаһандық, өңірлік және екіжақты) өзара іс-қимылын талап ететінін түсіне отырып, Республика осы саладағы бірқатар халықаралық және мемлекетаралық шарттар мен келісімдерге қол қойды.
Қазіргі уақытта Тәуелсіз мемлекеттер достастығының Терроризмге қарсы орталығының, Шанхай ынтымақтастық ұйымының Өңірлік терроризмге қарсы құрылымының қызметіне, сондай-ақ Ұжымдық қауіпсіздік туралы шарт ұйымының терроризмге және экстремизмге қарсы күрес саласында қабылданып жатқан шаралар шеңберінде ұсынылған өңірлік ынтымақтастықты дамытуға үлкен мән беріледі.
2000 жылы Қазақстан Президентінің бастамасы бойынша құрылған терроризмге қарсы орталықтың құрамына кіретін ТМД-ға қатысушы мемлекеттердің практикалық өзара іс-қимылы жүзеге асырылуда.
Терроризм – бұл ережелер мен моральдық ұстанымдарсыз соғыс екенін әрдайым есте сақтау керек. Қоғамның, патриоттыққа бейім азаматтардың қолдауынсыз бұл зұлымдықпен күресу өте қиын. Мұнда көп нәрсе бұқаралық ақпарат құралдарының, құқық қорғау органдары мен атқарушы биліктің үйлесімді жұмысына байланысты.
Белгілі бір мағынада-бұл баршаның және әр адамның ісі.
