Бала қауіпсіздігі-ең басты мәселелердің бірі. Оқушыларға қауіпсіз және жайлы орта құруға, сондай-ақ құқық бұзушылықтың алдын алу, кәмелетке толмаған жасөспімідердің түнгі мезгілде беймезгіл жүрмеуін қадағалау мақсатында Учаскелік полиция қызметкерлерімен Мойынты кенті әкімдігі аппаратымен бірлесе отырып сонымен қатыр Мойынты ЖББ-нің кезекшілік кестесіне сәйкес күнделікті түнгі рейд жұмыстары жүргізілуде.
Ағымдағы жылдың 15 қазанында Шет ауданында “Арқа үні” аудандық көпжанырлы өнер байқауында үздік өнер көрсетіп “Ай-наз” би ансамбілі 1 орынға ие болды.
2026–2027 жылдардағы жылыту маусымы: өрт қауіпсіздігіне ерекше көңіл бөлейік
Күзгі-қысқы кезеңнің басталуымен тұрғын үйлерде пештер мен жылыту қондырғыларының жұмысы қарқын алады. Осыған байланысты 2026–2027 жылдардағы жылыту маусымы кезінде өрт қауіпсіздігі талаптарын қатаң сақтау – әрбір тұрғынның басты міндеттерінің бірі.
Жылыту маусымында өрттердің негізгі себептерінің бірі – пештерді пайдалану кезінде қауіпсіздік талаптарының сақталмауы. Пештің ақаулы болуы, мұржаның уақытында тазаланбауы, пешті қараусыз қалдыру, жанғыш заттарды пешке жақын орналастыру және балаларды қараусыз қалдыру қайғылы жағдайға әкелуі мүмкін.
Тұрғындарға пеш жағар алдында оның жарамдылығын тексеріп, мұржаны күйе мен қоқыстан уақытылы тазалау ұсынылады. Пештің алдындағы еденге жанбайтын материалдан жасалған қорғаныш төсем орнатылғаны дұрыс. Жылыту пешін қатты қыздыруға, оның үстіне немесе маңына киім-кешек, отын, қағаз және басқа да жанғыш заттарды қоюға болмайды.
Сонымен қатар электр жылыту құралдарын пайдаланған кезде де сақтық қажет. Ақаулы электр сымдарын, қолдан жасалған жылыту құрылғыларын пайдалануға және электр желісіне шамадан тыс күш түсіруге жол бермеу керек. Электр жылытқыштарын қосулы күйінде қараусыз қалдыруға болмайды.
Үйде балалар болса, олардың қауіпсіздігіне ерекше назар аударған жөн. Сіріңке мен оттықтарды балалардың қолы жетпейтін жерде сақтау қажет. Балаларға отпен ойнаудың қауіпті екенін үнемі түсіндіріп отырған дұрыс.
Өрт қауіпсіздігін қамтамасыз ету мақсатында әрбір тұрғын өз үйінде өрт қауіпсіздігі ережелерін сақтап, мүмкіндігінше түтін датчиктерін орнатқаны жөн. Мұндай қарапайым шаралар төтенше жағдайдың алдын алуға және адам өмірін сақтауға көмектеседі.
Егер үйде өрт немесе түтін байқалса, дереу 101 нөміріне өрт сөндіру қызметіне немесе 112 бірыңғай төтенше жағдайлар нөміріне хабарлау қажет. Қауіп төнген жағдайда адамдарды қауіпсіз жерге шығарып, өз өміріңізге қатер төндіріп, өртті өз бетіңізше сөндіруге әрекет жасамаңыз.
Құрметті тұрғындар! Жылыту маусымында қауіпсіздік талаптарын сақтау – тек мамандардың емес, әрбір азаматтың ортақ жауапкершілігі. Өз үйіңіз бен жақындарыңыздың қауіпсіздігін бүгіннен бастап ойлаңыз. Қарапайым сақтық шаралары үлкен қауіптің алдын алады.
Өрт қауіпсіздігін сақтайық – адам өмірін қорғайық!
Жас өнерпаздар – аудандық байқауға жолдама алды
Кентіміздің өнерлі жастары тағы бір биіктен көрінді. Кеше Ақадыр кентінде өнерсүйер қауымның басын қосқан «Арқа үні» аудандық байқауы өтті. Өнер додасында кентімізден барған жас таланттар өз өнерлерін ортаға салып, көпшілік ықыласына бөленді.
Байқаудың басты мақсаты – жас өнерпаздардың шығармашылық қабілетін шыңдау, ұлттық өнерді насихаттау және талантты жастарды анықтау. Осы сыннан сүрінбей өткен кентіміздің жас өнерпаздары өздерінің сахна мәдениеті мен орындаушылық шеберлігін жоғары деңгейде көрсетті.
Ән мен жырды, ұлттық өнер мен дәстүрді дәріптеген жастардың өнері қазылар алқасының жоғары бағасына ие болып, олар келесі кезеңге жолдама алды. Бұл – жас өнерпаздарымыздың талмай ізденіп, өнерге деген қызығушылығы мен еңбегінің жемісі.
Кентіміздің жас таланттарына алдағы аудандық кезеңде де сәттілік тілейміз! Өнер жолындағы әрбір қадамдары жаңа белестерге бастай берсін. Жас өнерпаздарымыздың жеңісті жолы жалғаса бергей!
Өнерлі ұрпақ – елдің рухани байлығы.
Ауданымызда ұлы ақын, өр рухты тұлға Махамбет Өтемісұлының шығармашылығын дәріптеу мақсатында дәстүрлі «Махамбет оқулары» байқауы өтті.
Байқауға білімді де өнерлі оқушылар қатысып, ақынның жалынды жырларын мәнерлеп оқып, өз өнерлері мен білімдерін ортаға салды. Шара барысында оқушылар Махамбеттің шығармашылығын терең танып, ұлттық рух пен елдік құндылықтарды дәріптеудің маңызын көрсетті.
«Махамбет оқулары» – жас ұрпақтың әдебиетке қызығушылығын арттырып, шығармашылық қабілетін шыңдайтын тағылымды білім додасы. Мұндай шаралар Махамбет мұрасын ұлықтап, ақынның асыл сөздерін кейінгі ұрпаққа жеткізуге зор мүмкіндік береді.
Мойынты кентінің жастары 2025 жылғы күзгі әскерге шақырылым бойынша Отан алдындағы азаматтық борышын абыроймен атқарып, туған жерге аман-есен оралды.
Кеше ғана туған жерінен ақ жол тілеп шығарып салған жас жігіттер әскери өмірдің мектебінен өтіп, шыңдалып, азаматтық жауапкершілігі арта түскен нағыз ер-азамат болып қайта оралды. Олар әскери қызмет барысында тәртіп пен жауапкершілікті, төзімділік пен табандылықты, бірлік пен өзара сыйластықты үйренді.
Әскер – әрбір ер азаматтың өміріндегі маңызды кезеңдердің бірі. Әскери қызмет жас жігітті шыңдап, қиындыққа мойымай, кез келген жағдайда сабырлы әрі жауапты болуға тәрбиелейді. Отан алдындағы борышын өтеу арқылы сарбаздар ел тыныштығын қорғаудың қаншалықты маңызды екенін терең түсінеді.
Сарбаздардың туған жерге оралуы ата-аналары үшін ерекше қуаныш болды. Ұлдарын сағынышпен күткен ата-аналар перзенттерін құшағына алып, амандығына шүкіршілік етті. Ұзақ уақыттан кейін туған-туыстарымен қауышқан жас жігіттердің де қуанышында шек болған жоқ.
Мойынты кентіне оралған сарбаздар енді азаматтық өмірге қайта қадам басып, алдарына жаңа мақсаттар қоймақ. Әскери қызметте жинаған тәжірибелері мен өмірлік сабақтары олардың болашақ жолында үлкен септігін тигізері сөзсіз.
Отан алдындағы борышын адал атқарып, әскери міндетін абыроймен орындап келген жерлестерімізге зор алғыс білдіреміз. Оларға алдағы өмір жолында мықты денсаулық, отбасылық амандық, мол табыс пен биік белестер тілейміз.
Кентімізде жаңа алаң 🌱
Биылғы жоспарға сәйкес кентімізде «Таза Қазақстан» экологиялық акциясы аясында арнайы «Таза Қазақстан» стелласы шағын саябақпен орнатылды. Бұл стелла- қоршаған ортаны таза ұстаудың, туған жерге жанашырлықпен қараудың маңызын насихаттайтын тазалықтың – ортақ міндет екенің, туған жерге деген құрметтің белгісі деп айтсақта болады.Барша кент тұрғындарын ауылымыздың көркеюіне, тазалығы мен абаттануына өз үлестерін қосуға шақырамыз! Кентіміз әрдайым таза, көрікті, берекелі болсын! Таза ауыл – таза болашақ! Туған жерімізді бірге көркейтейік! орысш
Кітап оқитын ұлт-өркендеген ұлт!
Мемлекет басшысының «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығын іске асыру шеңберінде ағымдағы жылдың 2 қыркүйегінен бастап Қазақстан Республикасы Мәдениет және ақпарат министрлігінің қолдауымен «Кітап оқитын ұлт» республикалық марафоны ресми түрде бастау алды.
Мемлекет басшысының «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығын іске асыру шеңберінде ағымдағы жылдың 2 қыркүйегінен бастап Қазақстан Республикасы Мәдениет және ақпарат министрлігінің қолдауымен «Кітап оқитын ұлт» республикалық марафоны ресми түрде бастау алды.
Құрметті Қарағанды облысының тұрғындары мен қонақтары!
Қарағанды облысы бойынша жыл басынан бері 2 292 интернет алаяқтық деректері тіркеліп, көбінде, бұл қылмыстың түрі ұялы телефондарды қолдану арқылы жасалады.
Алаяқтар банктік ақпаратқа қол жеткізу үшін азаматтардың қажетті жеке мәліметтерін алудың түрлі тәсілдерін қолданады: жоғары лауазымды полиция қызметкерлері WhatsApp мессенджеріне алдын ала қолдан жасалған, растайтын құжаттарды тастай отырып ұсынады: елтаңбалы мөрмен расталған қызметтік куәліктерді, қылмыстық іс қозғау туралы қаулы түрлі банктердің қаржы бөлімдерінің қызметкерлері ұсынады.
Мысалы, Қарағанды қалалық полиция басқармасының Киберпол бөлімшесімен аз. А. арызы бойынша тергеп-тексеру жүргізілуде, іс құжаттарына сәйкес белгісіз тұлғалар оның атынан онлайн несие алып, алған қаражатты жымқырған.
Көбінде Сізге несие рәсімделгені туралы жаңылыстырады және олар банк картасы бойынша мәліметтерді, карточка нөмірін, банк картасының артқы жағында орналасқан CV кодын хабарлауды сұрайды және алаяқтар WhatsApp мессенджеріне қонырауларды пайдаланады, өйткені WhatsApp қоңырауларды бақылау қиын, өйткені бұл адамдар ел ішінде де, одан тыс жерлерде де болуы мүмкін.
Интернет-алаяқтық «Колеса», «Крыша», «OLX» интернет-сайттарын пайдалану арқылы да жасалады. Әлеуметтік желілер арқылы: «Инстаграмм», «Телеграмм», «Фейсбук», «ВКонтакте», арқылы мүлікті сату туралы хабарландыруды жариялау кезінде.
Сонымен қатар, алаяқтар көбінесе қымбат заттардың өте төмен құнын пайдаланады, осылайша сатып алушыларды тартады.
Қазіргі уақытта қылмыстың осы түрін жандандыруға байланысты ішкі істер органдары қылмыстың осы түрін жасауға жол бермеуге бағытталған шаралар қабылдауда.
ІІМ АБАЙЛАҢЫЗ - ИНТЕРНЕТ АЛАЯҚТАР қылмыскерлердің алаяқтық әрекеттері туралы ескерту сипатындағы SMS хабарламалар жібере басталды.
Республиканың ішкі істер органдары азаматтарды сақ болуға және негізгі сақтық шараларын ұстануға шақырады. ІІМ негізгі ұсынымдары:
1. Ешқандай жағдайда банктер немесе құқық қорғау органдары қызметкерлерінің несие беру, мүлікті сату және ақшасын қауіпсіз шоттарға аудару немесе несие беру туралы телефон нұсқауларын орындамаңыз. Құқық қорғау органдары телефон арқылы арнайы операциялар жүргізбейді.
2. Өзінің дербес деректерін, пластикалық карталардың деректемелерін ешкімге хабарламау, аударымдар туралы түбіртектерді, тіпті банк, полиция қызметкерлері болып табылатын тұлғаларға кодтар мен кодтық сөздерді және т.б. бермеуді талап етеміз.
3. Жеке деректерді белгісіз және тексерілмеген сайттарға және басқа көздерге бермеңіз. Тексерусіз алдын ала төлем жүргізбегеңіз. Тауарды алғаннан кейін төлем туралы келісуге тырысыңыз. Мұндай қызметтер, мысалы Қазпоштамен көрсетіледі.
4. Күмәнді мәмілелер бойынша аударымдарды жүзеге асырмаңыз, ашық кіріс көзінсіз қаржылық схемалардан сақ болыңыз.
5.Қолданбаларды орнату үшін тек ресми App Store, Play Market және т.б. пайдаланыңыз.
6. Өтпеуге сілтемелер бойын- ша жіберуді, мысалы жалған төлемдер жасалғандай болып көрсетілуі мүмкін, жеке тұлғалар төлем жасау үшін жеке ұялы телефондағы бағдарламалардың СПАМ-сілтемесі жеке терезесі арқылы белгісіз тұлғалардан хабарлама ретінде келу мүмкін.
7. Банкинг қызметтеріне қолжетімділік құпия сөздерін үнемі ауыстырып отыруді, яғни 3D қорғауды және банктер ұсынатын басқа да, қауіпсіздік шараларын пайдаланып отыруды.
8. Негізінде тұлғаларға өздерінің шоттарындағы ақша қозғалысын жиі тексеріп отыруды ескертеміз.
ҚСжАЕК Қарағанды облысы бойынша Департаменті