Каспий – табиғаттың баға жетпес байлығы, миллиондаған тіршілік иесінің мекені әрі болашақ ұрпаққа аманат етілген мұра. Сондықтан теңіздің экологиялық жағдайын жақсарту, су деңгейінің төмендеуіне жол бермеу, биоалуантүрлілікті қорғау және табиғи ресурстарды тиімді пайдалану бағытында нақты әрі жүйелі шаралар қабылдауымыз қажет. Каспийді сақтау – ортақ парызымыз, келешек алдындағы жауапкершілігіміз. Табиғатты қорғау сөзбен емес, нақты іспен дәлелденуі тиіс!
Соңғы жылдардағы экономикалық трансформация елдің дәстүрлі шикізат секторынан тыс инвестициялық мүмкіндіктерін біртіндеп кеңейтуде. Өңдеу өнеркәсібін, көлік инфрақұрылымын, ауыл шаруашылығын және цифрлық қызметтерді дамыту халықаралық капитал үшін жаңа бағыттарды ашуда. Бұл туралы The World Financial Review британдық іскерлік басылымының мақаласында айтылған.
Қосымша фактор ретінде экономиканың сыртқы міндеттемелер құрылымындағы өзгерістерді атап өтуге болады. Бес жыл ішінде сыртқы борыштың ЖІӨ-ге қатынасы 83,1%-дан 59,4%-ға дейін төмендеді, бұл салыстырмалы борыштық жүктеменің азайғанын көрсетеді.
Әрине, әртараптандырылған экономикалық модельге көшу ұзақмерзімді міндет болып қала береді. Ол Қазақстанның халықаралық ынтымақтастығында да көрініс табады. Дүниежүзілік банктің 2026–2031 жылдарға арналған жаңа елдік бағдарламасы инфрақұрылымды дамытуға, экономиканың орнықтылығын арттыруға және өнімділігі жоғары әрі инновациялық жеке секторды қалыптастыру үшін қолайлы жағдай жасауға бағытталған. Негізгі басымдықтардың бірі жеке капиталдың қатысуын кеңейту және экономикалық өсудің өндіруші салаларға тәуелділігін төмендету болып саналады.
Қазақстанның экономикалық бағыты осы міндеттерді шешуге бағытталған. Бұл саясатты одан әрі жүзеге асыру елдің жаңа салаларды дамыту, бәсекеге қабілеттілікті арттыру және халықаралық экономикалық ынтымақтастықты кеңейту үшін жинақталған ресурстық әрі инвестициялық әлеуетті қаншалықты тиімді пайдалана алатынына байланысты болады.
Қазақстан құрамасы Аичи және Нагояда (Жапония) өткен ХХ жазғы Азия ойындарындағы өнер көрсетуін аяқтап, 84 медаль жеңіп алды: 12 алтын, 24 күміс және 48 қола. Ұлттық құрама жалпыкомандалық есепте сегізінші орынға ие болды.
Алдыңғы Азия ойындарымен салыстырғанда, Қазақстан өз нәтижесін жақсартты. Ханчжоуда құрама 11-орынға тұрақтап, 80 жүлде, оның ішінде 10 алтын медаль жеңіп алған болатын. Ал Жапонияда команда бірден үш сатыға көтеріліп, жалпы медаль санын 84-ке жеткізді. Медаль саны бойынша дәл осындай нәтижені Қазақстан 2014 жылы Инчхонда өткен Азия ойындарында да көрсеткен. Бұдан көп медаль тек 2006 жылы Дохада болды, сол кезде отандық спортшылар 85 жүлде жеңіп алған.
Сонымен қатар, Жапониядағы Азия ойындары Қазақстан үшін тек қорытынды көрсеткіштерімен ғана есте қалған жоқ. Қазақстан бірқатар тарихи жетістіктерге қол жеткізіп, сондай-ақ спорттың бірнеше түрінен алғаш рет медаль жеңіп алды.
Жасанды интеллект көмегімен жасалған фильмдер енді үлкен экраннан көрсетіліп, авторларына жүздеген мың доллар көлемінде жүлде беріліп жатыр. Астана алғаш рет осындай фестивальді қабылдап, әлемнің түкпір-түкпірінен жиналған жұмыстардың үздіктері анықталған алаңға айналды.
Бұған дейін Мемлекет басшысы Astana AI Film Festival халықаралық кинофестивалін ашқан болатын.
Үстінде көрсеткен ерлігі мен жанқиярлығы үшін Маңғыстау облысындағы оқу-жаттығу жиыны кезінде қаза тапқан әскери қызметшілер Қазақстан Республикасының мемлекеттік наградаларымен марапатталды.
Бауыржан Момышұлы атындағы ІІ дәрежелі «Айбын» орденімен:
Мұхтарұлы Олжас – 29011 әскери бөлімі взводының командирі.
Рахымжан Қошқарбаев атындағы ІІІ дәрежелі «Айбын» орденімен:
Аяпберген Сержан Талғатұлы – 29011 әскери бөлімі бөлімшесінің командирі;
Бегей Дастан Нұрболұлы – 29011 әскери бөлімінің аға матросы (аға атқышы);
Бердіханов Мейрамбек Ермұханұлы – 29011 әскери бөлімі бөлімшесінің командирі;
Гилаж Ақжайық Болатбекұлы – 29011 әскери бөлімінің матросы (граната атқышы);
Ғұмаров Мансұр Айтбайұлы – 29011 әскери бөлімі бөлімшесінің командирі;
Диханбаев Олжас Тәжібайұлы – 29011 әскери бөлімі бөлімшесінің командирі;
Жаңабай Әсет Саматұлы – 29011 әскери бөлімінің маманы (көздеушісі);
Көбенов Алмас Жүсіпұлы – 29011 әскери бөлімінің матросы (граната атқышы);
Мәдіхан Азамат Болатбекұлы – 29011 әскери бөлімінің матросы (граната атқыштың көмекшісі);
Өмірзақ Өмірбек Өмірболатұлы – 29011 әскери бөлімінің матросы (граната атқышы);
Темірғалиев Жеңіс Тілеуішұлы – 29011 әскери бөлімінің матросы (оқшашар атқыштың көмекшісі);
Төлеген Ақылбек Қабденұлы – 29011 әскери бөлімінің аға матросы (аға атқышы);
Тұрдыбекұлы Мирас – 29011 әскери бөлімінің матросы (атқышы).
Қазақстан ұлттық құрамасының өкілдері Владислав Яковлев пен Иван Чернухин Жапонияның Айчи–Нагоя қалаларында өтіп жатқан ХХ жазғы Азия ойындарының чемпионы атанды.
Қазақстандық экипаж академиялық есуден ерлер арасындағы рульшісіз қос қайық (M2−) бәсекесінде алтын медаль жеңіп алды.
А финалында Владислав Яковлев пен Иван Чернухин мәреге бірінші болып жетіп, басты қарсыластары Қытай экипажын 2,09 секундқа басып озды.
Қазақстандық спортшылар бұған дейін ірі халықаралық жарыстарда да жүлделі нәтижелер көрсеткен. 2025 жылы Яковлев пен Чернухин ересектер арасындағы Азия чемпионатының қола жүлдегері атанса, биыл Оңтүстік Кореяның Чхунджу қаласында өткен Азия кубогында алтын медаль жеңіп алды. Азия ойындарындағы жеңіс олардың халықаралық аренадағы табысты нәтижелерінің жалғасы болды.
Айта кетейік, академиялық есуден жарыстар Қазақстан құрамасы үшін жалғасуда. Бүгін Владислав Яковлев пен Иван Чернухин Ярослав Мельников және Тимур Фомичевпен бірге ерлер арасындағы рульшісіз төрттік сында А финалында да бақ сынайды.
Бүгін Каспий теңізі күні атап өтілуде. Осыдан 20 жыл бұрын дәл осы күні Каспий теңізінің теңіз ортасын қорғау жөніндегі негіздемелік конвенция, яғни Тегеран конвенциясы күшіне енді.
Каспий теңізі күні қарсаңында «Таза Қазақстан» экологиялық мәдениетті дамыту тұжырымдамасы шеңберінде «Caspian Sea Action Week 2026» халықаралық волонтерлік апталығы өткізілуде.
Апталық іс-шараларына Каспий маңы мемлекеттері – Әзербайжан, Ресей Федерациясы, Иран және Түрікменстанның делегациялары, сондай-ақ Өзбекстан, Қырғызстан және Тәжікстан өкілдері, волонтерлер, экологиялық белсенділер, сарапшылар мен жастар қатысты.