Жергілікті өзін-өзі басқару

 Мемлекет басшысы Қ.Ж. Тоқаевтың 2021 жылғы 1 қыркүйектегі «Халық бірлігі және жүйелі реформалар - елдің өркендеуінің берік негізі» атты Жолдауынан: «Жергілікті өзін-өзі басқаруды дамыту маңызды басымдық болып табылады».

Көшелерден, көппәтерлі тұрғын үйлерден, жеке сектордан жергілікті өзін - өзі басқару жиынына сайланған өкілдердің жалпы саны 120, жергілікті қоғамдастық жиындарына қатысу үшін - 19 адамды құрайды.

2023 жылы  жергілікті маңызы бар ағымдағы мәселелерді шешу үшін 5 жиналыс өткізілді: Мемлекет басшысының Қазақстан халқына Жолдауының негізгі бағыттарын түсіндіру; жергілікті маңызы бар мәселелерді шешуге бөлінген бюджет қаражатының пайдаланылуына мониторинг жүргізу;  кент бюджетінің жобаларын келісу және бекіту; үй-жай иелерінің бірлестігін,жай серіктестікті құру және кенттегі ағымдағы жағдай туралы мәселелерді қарау. Жергілікті қоғамдастық жиналыстарында қаралған мәселелер шеңбері әр түрлі және кенттің тіршілік әрекетінің барлық бағыттарын қозғайды.