Шахтинск қаласының әкімі Мұрат Есетұлы Қыдырғанбеков Долинка кентінің тұрғындарымен кездесу өткізді. Кездесу барысында кент әкімі Арман Сәткенұлы Түсіпов 2026 жылдың 9 айындағы әлеуметтік-экономикалық даму қорытындылары туралы есеп беріп, алдағы кезеңге арналған жоспарлармен бөлісті.
Кездесуден кейін азаматтарды жеке қабылдау өткізіліп, онда кенттің коммуналдық инфрақұрылымына қатысты өзекті мәселелер қаралды.
Мұндай кездесулер өзекті мәселелерді анықтауға және кентті одан әрі дамытудың басым бағыттарын айқындауға мүмкіндік береді.
Шахтинск қаласы әкімдігінің баспасөз қызметі
Жылжымайтын мүліктің бірыңғай мемлекеттік кадастры жаңа мемлекеттік координаттар жүйесі QazTRF-23-ке көшеді. Сол себепті демалыс және мереке күндері, 2026 жылғы 23 қазан сағат 19:00-ден 27 қазан сағат 00:00-ге дейін ЖМБМК мен Жария кадастрлық картасында техникалық жұмыстар жүргізіледі.
Технологиялар дамыған сайын координаттарды анықтау тәсілдері де жаңаруды қажет етеді. Бұрын координаттар спутниктік технологиялар пайда болмай тұрып жасалған әдістермен анықталса, бүгінде заманауи технологиялар бұл жұмысты дәлірек орындауға мүмкіндік береді. Жаңа координаттар жүйесіне көшу – әлемдік тәжірибе және Қазақстан да осы бағытта жұмыс жүргізіп жатыр. Осыған байланысты мемлекеттік ақпараттық жүйелердегі кеңістіктік деректер, цифрлық карталар мен сервистер жаңа координаттар жүйесіне көшіріледі.
QazTRF-23 – ескірген геодезиялық жүйелердің орнына іске қосылған заманауи әрі ашық мемлекеттік координаттар жүйесі. Оның көмегімен Қазақстан аумағындағы жер учаскесінің, ғимараттың, жолдың немесе басқа да обьектінің орналасқан жері анықталады.
Аталған күндер аралығында жер кадастрына, жылжымайтын мүлікті техникалық тексеруге және жылжымайтын мүлікке құқықтарды тіркеуге қатысты мемлекеттік қызметтерге өтініш қабылданбайтынын ескерген жөн. Бұл ретте, жылжымайтын мүлікке құқықтарды тіркеу саласындағы электрондық анықтамаларды цифрлық сервистер арқылы алу мүмкіндігі сақталады.
Алдағы өзгерістерге байланысты «Азаматтарға арналған үкімет» Мемлекеттік корпорациясы азаматтар мен ұйымдарға қажетті мемлекеттік қызметтерді алуды алдын ала жоспарлауды ұсынады. Техникалық жұмыстар аяқталғаннан кейін цифрлық сервистер әдеттегі тәртіпте жұмысын жалғастырады.
"Азаматтарға арналған үкімет" мемлекеттік корпорациясы " КЕАҚ
2026 жылғы 15 қазанда Шахтинск қаласы әкімінің орынбасары С.Е. Капаевтың төрағалығымен мемлекеттік мекемелер мен өндірістік кәсіпорындардың басшылары және мамандарының қатысуымен кеңес өткізіліп, онда «Салауатты жұмыс орындары» бағдарламасын іске асыру мәселелері талқыланды.
Бағдарламаның негізгі мақсаты — жұмыс орындарындағы зиянды және қауіпті факторлардың әсерін төмендету, еңбек жағдайларының санитариялық-гигиеналық деңгейін жақсарту, қызметкерлер арасында денсаулық мәдениетін қалыптастыру, сондай-ақ кәсіптік аурулар мен созылмалы инфекциялық емес аурулардың алдын алу.
Жиын барысында жұмысшылардың денсаулығын сақтау мен қолайлы еңбек жағдайын жасаудағы жұмыс берушілердің рөліне ерекше назар аударылды. «Салауатты жұмыс орындары» бағдарламасын іске асыру еңбек қауіпсіздігі деңгейін арттыруға, жұмысшылардың денсаулығын нығайтуға және кәсіпорындарда салауатты орта қалыптастыруға мүмкіндік береді.
Шахтинск қаласы әкімдігінің баспасөз қызметі
Шахтинск қаласы әкімінің орынбасары А.Е. Саттыбаев Қазақстан Республикасының Құтқарушылар күніне арналған салтанатты іс-шараға қатысты.
Азаматтық қорғау органдарының қызметкерлеріне кәсібилігі, ерлігі мен жанқиярлық еңбегі үшін алғыс хаттар табыстады.
Құтқарушыларға зор денсаулық, амандық, қызметте табыс және кезекшіліктерінің тыныш өтуін тіледі!
Шахтинск қаласы әкімдігінің баспасөз қызметі
Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығына сәйкес, облыстың барлық деңгейдегі әкімдерінің 2026 жылға арналған халықпен кездесулерінің икемді күнтізбесі әзірленді, оған сәйкес 2026 жылғы 30 қазанда сағат 16.00-де Шахан кентінің мәдениет үйінде Шахтинск қаласының әкімі Қыдырғанбеков Мұрат Есетұлының Шахан кентінің тұрғындарымен кездесуі өтеді.
Қала әкіміне жеке сұрақ немесе шағым беруге ниет білдірген барлық адамдар үшін кездесу аяқталғаннан кейін тікелей азаматтарды қабылдау ұйымдастырылады. Қабылдауға алдын ала жазылу Шахан кентінің әкімі аппаратының қабылдау бөлмесінде және 32417 телефоны бойынша жүргізіледі.
Сонымен қатар, арнайы орнатылған жәшіктер немесе «жедел желі» телефоны арқылы қала әкіміне өз ұсыныстарыңызды білдіріп, сұрақтарыңызды қоюға болады.
Шахтинск қаласы әкімінің аппараты
|
Елді мекен |
Жәшіктердің орналастырылған жері |
Мекенжайы |
«Жедел желі» телефоны |
|
Шахан кенті |
Шахан кенті әкімінің аппараты |
Шаханская көшесі, 11 |
32417 |
|
Кентттің МҮ |
Кенесары Қасымұлы көшесі, 1/1 |
||
|
Кенттің отбасылық денсаулық орталығы |
15 квартал |
||
|
Кенттің пошта байланысы бөлімшесі |
Шаханская көшесі |
Шахтинск қаласында мектептер мен балабақшалар маңындағы жаяу жүргіншілер өткелдерінің жанына ақпараттық құрылымдар орнатылды.
Құрылымдар келесі нысандардың маңында орналастырылды:
- «С. Асфендияров атындағы жалпы білім беретін мектеп» КММ;
- «Ш. Уәлиханов атындағы мектеп-гимназия» КММ;
- «С. Сейфуллин атындағы мектеп-гимназия» КММ;
- № 7 жалпы білім беретін мектеп» КММ және «Салтанат» бөбекжайы» КМҚК;
- «№ 6 жалпы білім беретін мектеп» КММ, «Қарлығаш» бөбекжайы» КМҚК және «Снегурочка» бөбекжайы» КМҚК;
- «Е. Бөкетов атындағы жалпы білім беретін мектеп» КММ және «Ботагөз» бөбекжайы» КМҚК;
- «Ә. Бөкейханов атындағы мектеп-лицей» КММ және «Еркетай» бөбекжайы» КМҚК;
- Жеңістің 40 жылдығы көшесі («Гиппократ» емханасының аялдамасы).
Құрылымдар жүргізушілерге жылдамдық режимін сақтаудың және жаяу жүргіншілер өткелдеріне жақындаған кезде мұқият болудың қажеттігін еске салады.
Балалардың қауіпсіздігі — баршамыздың ортақ жауапкершілігіміз!
Шахтинск қаласы әкімдігінің баспасөз қызметі
Зейнетақы активтерін инвестициялық басқаруды Қазақстан Республикасының Ұлттық Банкі (ҚРҰБ), сондай-ақ 2021 жылдан бастап тиісті лицензиясы бар және уәкілетті органның талаптарына сай келетін инвестициялық портфельді басқарушылар (ИПБ) жүзеге асырады. Мұндай сенімгерлік басқарудың негізгі мақсаты – зейнетақы жинақтарын түрлі қаржы құралдарына инвестициялап, табыс алу.
Зейнетақы активтерін басқарушылар – ҚРҰБ пен ИПБ-лардың зейнетақы активтерін инвестициялау бойынша өзіндік стратегиясы бар және олар инвестициялық портфельдің құрылымын инвестициялық декларация шеңберінде дербес айқындайды.
Қолданыстағы ИПБ тізіліміне қазақстандықтар зейнетақы жинақтарын сенімгерлік басқаруға бере алатын 6 жеке компания кіреді:
«Alatau City Invest» АҚ, «BCC Invest» АҚ, «Сентрас Секьюритиз» АҚ, «Halyk Finance» АҚ, «Halyk Global Markets» АҚ, «Tansar Capital» АҚ. (Бұл ретте «Halyk Global Markets» АҚ «БЖЗҚ» АҚ-ға 2027 жылдан бастап сенімгерлік басқару шартын бұзатыны туралы хабарлаған. Осыған байланысты, 2026 жылғы 1 қаңтардан бастап Қор зейнетақы жинақтарын осы компанияға аудару туралы өтініштерді қабылдамайды).
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
Зейнетақы жинақтарының 100%-на дейін жеке басқарушы компаниялар – ИПБ-ларға сенімгерлік басқаруға беру мүмкіндігін БЖЗҚ-ның барлық салымшылары пайдалана алады. Бұл нормалар 2026 жылғы 7 қыркүйектен бастап күшіне енді.
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
Жақында бір ИПБ салымшыларға тәуекел деңгейі, күтілетін кірістілік және инвестициялау мерзімі бойынша ерекшеленетін инвестициялық портфельдердің үш түріне дейін – консервативті, қалыпты және тәуекелді портфельдерді ұсына алады.
Зейнетақы активтерінің инвестициялық портфельдерін қалыптастыру тәртібін қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган айқындайды.
Салымшы бір немесе бірнеше ИПБ-ны таңдай алады. Халықты кеңінен хабардар ету мақсатында БЖЗҚ invest.enpf.kz бірыңғай ақпараттық интернет-платформасын іске қосты. Бұл – салымшыларға сенімгерлік басқарушылардың (ҚРҰБ пен ИПБ) басқаруындағы зейнетақы активтерінің портфельдері бойынша түрлі деректерді бір ақпараттық алаңда салыстыруға мүмкіндік беретін заманауи цифрлық ресурс. Салымшы мұнда инвестициялық портфельдерді өз бетінше бағалауға, сондай-ақ өзінің мақсаттары мен күтетін нәтижесіне сай келетін басқарушы компания мен оның инвестициялық стратегиясын таңдауға мүмкіндік беретін құралдарды пайдалана алады.
Бұдан бөлек, invest.enpf.kz платформасында салымшы ИПБ-лардың инвестициялық декларацияларымен танысып, олардың қаржылық көрсеткіштерін талдай алады. Сондай-ақ ИПБ-ларға қатысты реттеуші орган – ҚР Қаржы нарығын реттеу және дамыту агенттігі (ҚР ҚНРДА) тарапынан қолданылған әкімшілік шаралар, санкциялар мен ықпал ету шаралары туралы ақпаратты да (олар болған жағдайда) көре алады.
Зейнетақы жинақтарын сенімгерлік басқаруға беру үшін салымшы алдымен ИПБ-ны таңдап, содан кейін белгіленген нысан бойынша өтініш береді.
Өтінішті enpf.kz сайтындағы жеке кабинетте немесе invest.enpf.kz интернет-платформасында электрондық цифрлық қолтаңбаны (ЭЦҚ) пайдалана отырып, сондай-ақ БЖЗҚ-ның кез келген бөлімшесіне барып беруге болады.
Жеке кабинетте салымшы, сондай-ақ:
Зейнетақы жинақтарын сенімгерлік басқаруға аудару туралы берілген өтініштің мәртебесін сайттағы жеке кабинеттен немесе БЖЗҚ-ның мобильді қосымшасынан бақылауға болады.
ИПБ-ға аударуға өтініш беру және оларды БЖЗҚ-да өңдеу рәсімдері толық автоматтандырылған. БЖЗҚ зейнетақы активтерін сенімгерлік басқаруға нормативтік-құқықтық актілерде белгіленген мерзім ішінде береді.
Бұл ретте зейнетақы жинақтарын бір ИПБ-дан екіншісіне аудару немесе оларды ҚРҰБ-тың басқаруына қайтару алғашқы аударылған күннен бастап кемінде бір жыл өткен соң жүзеге асырылуы мүмкін.
БЖЗҚ – барлық салымшылар үшін бірыңғай есепке алу және ақпараттық орталық, сондай-ақ активтерді кім басқаратынына қарамастан (ҚРҰБ және/немесе салымшы таңдаған ИПБ) олардың жеке зейнетақы шоттарының операторы.
БЖЗҚ зейнетақы активтерін басқаруға байланысты қолжетімді қызметтер мен сервистерді ұсынады. Азаматтардың зейнетақы жинақтары, оның ішінде инвестициялық табыс ескерілген ақпарат enpf.kz сайтындағы жеке кабинетте немесе БЖЗҚ мобильді қосымшасында 24/7 режимінде берілетін үзінді көшірмелерде толық көрсетіледі.
Әр басқарушының инвестициялық қызметі туралы ақпарат enpf.kz сайтындағы «Статистика және талдау» – «Зейнетақы активтерін инвестициялық басқару» бөлімінде тұрақты түрде жаңартылып отырады.
Сонымен қатар, БЖЗҚ салымшылары үшін invest.enpf.kz ақпараттық интернет-платформасы жұмыс істейді. Бұл – барлық басқарушылардың (ҚРҰБ пен ИПБ) активтерді басқару нәтижелерін өзара салыстыруға мүмкіндік беретін заманауи цифрлық ресурс. Invest.enpf.kz платформасы инвестициялық табыстылық туралы ақпаратқа қол жеткізуге, белгіленген кезең аралығындағы басқарушылар мен олардың инвестициялық портфельдері бойынша деректерді салыстыруға және инвестициялық шешімдерді саналы түрде қабылдауға мүмкіндік береді.
Кездесу барысында 2026 жылдың 9 айындағы әлеуметтік-экономикалық даму қорытындылары шығарылып, алдағы кезеңге арналған жоспарлар талқыланды.
Кентті абаттандыру және дамыту бағытындағы маңызды мәселелері қаралып, тұрғындардың ұсыныстары тыңдалды. Кездесу өзекті мәселелерді талқылауға және тұрғындармен ашық диалог орнатуға мүмкіндік берді.
Шахтинск қаласы әкімдігінің баспасөз қызметі
Шахтинск қаласында «Лидер» гипермаркетінің артындағы рұқсат етілмеген қоқыс үйіндісін тазалау жұмыстары аяқталды.
Бұл аумақта ұзақ уақыт бойы қоқыс жиналған. Аумақ жиналған қоқыстардан тазартылып, ретке келтірілді.
Қаланы абаттандыру жұмыстары жалғасуда!
Шахтинск қаласы әкімдігінің баспасөз қызметі