Шахтинск қалалық сайлау
комиссиясының
2025 жылғы 5 қыркүйектегі
№ 32 шешімімен
бекітілген
«Электорат» жас сайлаушылар клубы туралы
Ереже
1.1. Осы Ереже Шахтинск қалалық сайлау комиссиясы жанындағы
«Электорат» жас сайлаушылар клубымен өзара іс-қимыл жөніндегі жұмыстың нысаны мен ұйымдастырылуын айқындайды.
1.2. Шахтинск қалалық сайлау комиссиясы сайлау процесіне қатысушылар арасында құқықтық ағарту және сайлау мәдениетін арттыру шеңберінде «Электорат» жас сайлаушылар клубы форматында диалог алаңын құрады және ұйымдастырады.
1.3. «Электорат» жас сайлаушылар клубы (бұдан әрі - Клуб) Шахтинск қалалық сайлау комиссиясының консультативтік-кеңесші органы болып табылады.
1.4. Клуб өз қызметін жүзеге асыру барысында Шахтинск қалалық сайлау комиссиясының мүшелерімен, сондай-ақ басқа да органдармен және ұйымдармен, Шахтинск қаласының азаматтарымен өзара іс-қимыл жасайды.
1.5. Клуб ережесі Шахтинск қалалық сайлау комиссиясының шешімімен бекітіледі.
2.1. Клубты құрудың мақсаты жастардың назарын сайлау процесінің өзекті мәселелеріне аудару, олардың электоралдық белсенділігі мен құқықтық мәдениетін арттыру болып табылады.
2.2. Клубтың негізгі міндеттері:
1)-жас сайлаушылардың сайлау мәдениетін арттырудың тиімді жолдарын анықтау;
2)-жастарға сайлау құқықтарын түсіндірудің заманауи тәсілдерін дамыту;
3)-жастардың сайлау процесіне қатысуының өзекті мәселелерін қарастыру;
4)-жас сайлаушылардың сайлау процесіне қызығушылығын арттыру.
3.1. Клуб мүшелеріне жалпы орта білім беру ұйымдарының 9-11 сынып оқушылары, Шахтинск технологиялық колледжінің студенттері, жас сарапшылар мен ғалымдар, облыстық жастар ресурстық орталықтарының, коммерциялық емес қоғамдық бірлестіктердің, мемлекеттік органдардың (келісім бойынша) өкілдері кіре алады.
3.2. Клубтың қызметіне қатысу үшін қатысушының тікелей ерік білдіруі қажет.
3.3. Клуб төрағасы клубтың бірінші отырысында ашық дауыс беру арқылы сайланады, хатшы - Жас сайлаушылар клубының жұмысын үйлестіруге жауапты аумақтық комиссияның мүшесі болып табылады.
3.4. Клуб отырысының күн тәртібіне енгізілген мәселелерді талқылау кезінде клуб мүшелерінің құқықтары тең.
3.5. Клуб мүшелерінің құқықтары:
1) Шахтинск қалалық сайлау комиссиясының төрағасы мен мүшелеріне ұсыныстар енгізу;
2) Клуб мүшелерінің басқа пікірлерімен келіспеген жағдайда өз пікірін білдіру, ол Клуб отырысының хаттамасына енгізілуге жатады.
4.1. Клуб өз қызметін түрлі форматтағы отырыстар түрінде жүзеге асырады.
4.2. Клуб отырыстарын Шахтинск қалалық сайлау комиссиясының төрағасы жұмыс жоспарына сәйкес және қажеттілігіне қарай шақырады және өткізеді, бірақ тоқсанына бір реттен кем емес.
4.3. Клубтың қызметіне, іс жүргізуіне және отырыстарға дайындықты ұйымдастыруға жауапты жұмыс органы тұрақты кәсіптік негізде жұмыс істейтін Шахтинск қалалық сайлау комиссиясының штаттық құрамы болып табылады.
4.4 Жұмыс органы:
1) мәжілістерді дайындау және өткізу бойынша ұйымдастыру жұмыстарын жүргізеді;
2) Клуб мүшелерін келесі отырыстың өткізілетін күні мен күн тәртібі туралы оны өткізуге дейін бес жұмыс күнінен кешіктірмей хабарлайды;
3) Клуб отырысында, соның ішінде аудио-бейне жазба құралдарын пайдалана отырып, хаттамаларды жүргізеді.
5.1. Осы Ережеге өзгерістер мен толықтырулар Шахтинск қалалық сайлау комиссиясының шешімі негізінде енгізіледі.
5.2. Клубтың қызметі Шахтинск қалалық сайлау комиссиясының шешімімен тоқтатылады.