Шахтинск қаласының автожолдар торабының жол ұзақтығы  390,2 км. құрайды.  Оның ішінде: 221 км – облыстық маңызы бар, 169,2 км- жергілікті маңызы бар.

Қала ішілік автомобиль жолдарының ұзақтығы  169,2 км. құрайды, оның ішінде, асфальтпен жабдықталған – 68,05 км, топырақпен жабдықталған - 62,78 км.

Бөбекжайлар және мектептерге кіреберістер, орам ішілік жолдарының ұзақтығы  9,13 км. құрайды.

Шахан, Новодолинский, Долинка кенттер арасында қатынаудың негізгі құралы  облыстық орталығы автомобиль көлігі болып табылады.

Қарағанды қаласының «№3 автобус паркі» ЖШС автобустық автопаркінің №3 автоколоннасы жолаушыларды тасымалдаумен айналысады.

Шахтинск қаласына 3 тұрақты қалалық, екі тұрақты қала маңы маршруттары және бір қалааралық облысішілік автобус маршруттары қызмет көрсетеді:

- № 1 «Шахтинск – Шахан»;

- № 2 «Шахтинск – Жартас»;                         

- № 3 «Шахтинск–Новодолинский»;                                    

- № 205 «Шахтинск – Абай» - тұрақты қала маңы маршруты; 

-№239 «Шахтинск-Топар» - тұрақты қала маңы маршруты; 

- №121 «Қарағанды - Шахтинск»- қалааралық облысішілік маршруты.

Жүктерді тасымалдау қызметін көрсетуді жеке кәсіпкерлер жүзеге асырады.

Жолдардың түрлері бойынша техникалық жағдайы келесідей: жолдар

• жақсы күйде –86,7 %;
• қанағаттандырылған күйде –5,3 %;
• қанағаттандырылмаған күйде –6,5% .

Қаланың маңызды инфрақұрылымдық нысандарының бірі – қалалық автовокзал.  Ол 1979 жылы салынды. Осы  ғимарат ұзақ уақыт жеке меншігінде болды және дұрыс күтім көрмеген. Жолаушыларға қызмет көрсету және автобус қызметтері бойынша өзінің негізгі функциясын орындамады. Осыған байланысты аталған автовокзалды меншікке алып, қалпына келтіру жұмыстарын ұйымдастыру туралы шешім қабылданды.

Қарағанды ​​облысы әкімінің тапсырмасымен және депутаттық корпустың қолдауымен автовокзалды қайта жөндеуге облыстық және қалалық бюджеттен қаржы бөлінді. 2020 жылдан бастап нысанды коммуналдық меншікке ауыстыру жұмыстары басталды. Одан кейін жөндеу жұмыстары кешені бойынша конкурстық рәсімдер өткізілді.

Жөндеу жұмыстарының кешеніне: шатырды, сумен жабдықтау және су бұру жүйелерін, ғимаратты  жөндеу, қасбеттік жөндеу, ішкі әрлеу жұмыстары және терезелерді ауыстыру кіреді.

Жұмысты орындау кезінде құрылыстағы барлық талаптар мен стандарттар ескерілді. Мүмкіндігі шектеулі тұлғалар үшін қолжетімділігіне ерекше көңіл бөлінеді.

Бүгінгі таңда,  жолаушылар қаладағы және қала маңындағы бағыттарда сапарларын автовокзалдан бастай алады.