«Әділетті мемлекет. Біртұтас ұлт. Өркендеген қоғам» атты Қазақстан халқына Жолдауында ел Президенті білім сапасын арттыруға ерекше көңіл бөлуді тапсырды.
Бұйрықты іске асыру үшін негізгі міндеттер белгіленді:
1) қаладағы мектепке дейінгі мекемелер желісін дамыту;
білім беру сапасын қамтамасыз етудің ұйымдық нысандарын,
2) технологияларын, тетіктерін жаңартуды жүзеге асыру;
білім беру ұйымдарының оқу және материалдық ресурстарының жағдайын жақсарту.
Орта білім беру саласында қаланың 8 мектебінде 5659 оқушы білім алуда.
Педагогикалық қызметпен 450 мұғалім айналысады. Қалада үш ауысымды және апатты мектептер жоқ. Биыл білім беру жүйесін дамытуға 5,7 млрд теңге бюджет қаражаты бөлінді. Қажетті оқулықтар толық көлемде сатып алынды. Қала мектептерінің компьютерлік паркі 1625 техниканы құрайды. 1 компьютерге шаққандағы оқушылар саны 3,4 оқушыдан келеді.
Барлық білім беру ұйымдарында ағымдағы және күрделі жөндеу жұмыстары жүргізіліп, осы мақсаттарға бюджеттен 452,5 млн.теңге бөлінді.
Қоғамдық қауіпсіздікті қамтамасыз ету мақсатында білім беру мекемелеріне қосымша 255 бейнекамера орнатылды. Қала ішінде қоғамдық көлікте тегін жүру және №7 және №2 мектептерде оқушыларды сабаққа жеткізу ұйымдастырылды.
Қаланың мектепке дейінгі мекемелерінде 67 топ ұйымдастырылып, оларға 1606 бала барады.
3 жастан 6 жасқа дейінгі балаларды мектепке дейінгі тәрбиемен қамту қажеттілігі жойылды. 1 жастан 3 жасқа дейінгі балаларды мектепке дейінгі мекемелерден орынмен қамтамасыз ету үшін, мемлекеттік білім беру тапсырысы аясында, Ақтас елді мекенінде балабақша ашу мәселесі қарастырылуда.