2021 жылғы 17 шілдеде Саран қалалық сайлау комиссиясында сайлау комиссияларының мүшелеріне арналған кезекті семинар-тренинг өтті.
Семинар сайлау процесіне қатысушылардың сайлау-құқықтық мәдениетін арттыру мақсатында аудандық маңызы бар қалалардың, ауылдардың, кенттердің, ауылдық округтердің әкімдерін сайлау жөніндегі сайлау науқаны шеңберінде өткізілді.
Семинар барысында келесі мәселелер қарастырылды: «Ауылдық деңгейдегі әкімдерді сайлауды ұйымдастыру мен өткізудің құқықтық негіздері», «Қазақстан Республикасындағы сайлауды байқаудың құқықтық негіздері».
Семинар барысында сайлауды өткізудің ұйымдастырушылық және рәсімдік мәселелері егжей-тегжейлі қаралып, «Қазақстан Республикасындағы сайлау туралы» ҚР Конституциялық заңында белгіленген байқаушылардың өкілеттіктерін іске асыру мәселелері түсіндірілді.
Семинар соңында қалалық сайлау комиссиясының мүшелері қатысушылардың сұрақтарына жауап берді.