2021 жылғы 27 мамырда Саран қалалық сайлау комиссиясының кезекті отырысы өтті, оның барысында 2021 жылғы жазда Ақтас кенті әкімінің сайлауын дайындау және өткізу барысында азаматтардың сайлау құқықтарын бұзатын төмен тұрған сайлау комиссияларының шешімдері мен әрекеттеріне (әрекетсіздігіне) шағымдарды (арыздарды) алдын ала қарау бойынша қалалық сайлау комиссиясының жұмыс тобы бекітілді.
2021 жылғы 28 мамырда қалалық сайлау комиссиясының мүшелері «Қазақстан Республикасындағы сайлау туралы» Қазақстан Республикасының Конституциялық заңына өзгерістер мен толықтырулар енгізу туралы» Қазақстан Республикасының 2021 жылғы 24 мамырдағы жаңадан қабылданған Конституциялық заңының және «Қазақстан Республикасының кейбір заңнамалық актілеріне сайлау мәселелері бойынша өзгерістер мен толықтырулар енгізу туралы» Қазақстан Республикасының 2021 жылғы 24 мамырдағы Заңының негізгі ережелерін қарады.