Әкімнің есеп беру кездесулері

2022 жылдың 17 маусымы күні "Достық" балалар мен жасөспірімдер шығармашылық орталығында Приозерск қаласының әкімі С.Қ.Сатаев қала тұрғындарымен кездесу өткізді.

Жиын барысында Сапар Қайыркенұлы қаламыздағы атқарылып жатқан істер мен жоспарланып отырған жұмыстар туралы халыққа есеп берді.
Аталмыш шараға 100-ден астам адам қатысып, шаһар басшысына түйткілді сұрақтарын қойды. Тек жиналған халық қана емес, әлеуметтік желілер арқылы да абаттандыру, ауыз судың сапасы, қаладағы тың өзгерістер мен өзекті мәселелер туралы көптеген сауалдар келіп түсті.
Өз кезегінде қала әкімі әрбір сұраққа толыққанды жауап қайтарып, шешілуі тиіс мәселелер жөнінде жауапты тұлғаларға нақты тапсырмалар берді. Сонымен қатар дәл осы жиында көтерілген әрбір мәселені өз бақылауына алатынын жеткізе отырып, жиын соңында жеке қабылдаулар өткізді.