Приозерск қаласында 2 жалпы білім беретін мектеп жұмыс істейді. 1–11 сыныптар бойынша оқушылардың жалпы саны – 2022 адам, оның ішінде бітірушілер – 115, 9-сынып оқушылары – 177.

2025 жылы білім беру ұйымдарында ағымдағы жөндеу жұмыстары жүргізілді:

• барлық білім беру ұйымдарына генераторлар орнатылды;

• № 2 жалпы білім беретін мектептің асханасы жөнделеді;

• № 1 жалпы білім беретін мектепте өртке қарсы қауіпсіздік жүйесі толықтай ауыстырылды;

• «Достық» балалар мен жасөспірімдер шығармашылық орталығында бассейнге гидрооқшаулау жұмыстары жүргізіліп, жылыту жүйесі жөнделеді.

2025 жылдың 1–29 маусымы аралығында балалардың жазғы демалысы мен сауықтырылуын ұйымдастыру мақсатында мектеп жанынан «Балауса», «Балдәурен» сауықтыру лагерлері, сондай-ақ «Достық» балалар мен жастар орталығында лагерь жұмыс істеді.

2024–2025 оқу жылында «Балдәурен» және «Балауса» жазғы мектеп жанындағы сауықтыру лагерлерінде 1–4 сыныптардың 80 оқушысы демалды. Олар күніне үш рет тегін ыстық тамақпен қамтамасыз етілді.

Қосымша білім беру мекемесі базасында 2–27 маусым аралығында «Шағала» лагері жұмыс істеді. Лагерьге 200–250 оқушы қатысады, қызмет көрсететін қызметкерлер саны – 20. Лагерьдің жұмыс уақыты: 9:00–13:00.

Жалпы, жаз мезгілінде қала бойынша 250–300 бала лагерлік демалыспен қамтылды.

2025–2026 оқу жылында 1–4 сыныптардың 764 оқушысы, сондай-ақ ҚР Үкіметінің № 64 қаулысына сәйкес 5–11 сыныптардағы жекелеген санаттағы 42 оқушы тегін ыстық тамақпен қамтамасыз етілген. Ыстық тамақпен қамтылған балалардың жалпы саны – 806. Қазіргі уақытта жалпы білім беретін мектептерде тамақтандыру ваучерлік жүйе арқылы жүзеге асырылады.

2023 жылғы 28 сәуірде ҚР Оқу-ағарту министрлігі бекіткен Жол картасына сәйкес, № 1 және № 2 жалпы білім беретін мектептерде ағымдағы жылдың 17 ақпанынан бастап OTAN MEKTEP ақпараттық-бағдарламалық жүйесі енгізіліп, іске қосылды.

Ақпараттық-бағдарламалық кешенде өту жүйесінің екі түрі қарастырылған: бет-әлпетті тану жүйесі (Face ID), карталық жүйе.